ކުރީގެ ހޯމް މިނިސްޓަރު އުމަރު ނަސީރު
ހައްލަކީ އުމަރުކަން ޔަގީން ކޮށްދޭން 18 ކުއްތާ ރާއްޖެ ގެނައިން: އުމަރު ނަސީރު
ގުފްތަގް އަޖީރު
18 ޖޫން 2023 - 22:45:11
ކުރީގެ ރައީސް އަބްދުﷲ ޔާމީންގެ ވެރިކަމުގައި ރާއްޖެއަށް 18 ކުއްތާ ގެނައީ "ހައްލަކީ އުމަރު" ކަން ޔަގީންކޮށްދިނުމަށް އުމަރު ނަސީރު ވިދާޅުވެއްޖެއެވެ.
Advertisement
އުމަރު ނަސީރުގެ ކެންޕޭނު ޖަލްސާއެއްގައި ވާހަކަ ދައްކަވަމުން އޭނާ ވިދާޅުވީ ދިވެހިރާއްޖޭގައި ހައްލަކީ އުމަރުކަން ޔަގީންކޮށްދޭން އޭނާއަށް ހޯމް މިނިސްޓަރުކަން ލިބިވަޑައިގަތުމުން މަސައްކަތް ކުރެއްވިކަމަށެވެ.
"ހައްލަކީ އުމަރުތޯ ޓެސްޓުކުރުމަށް ލިބުނު ހޯމްމިނިސްޓަރުކަން ދެ އަހަރު ދުވަހަށް. ދިވެހިރާއްޖޭގެ އެއްވެސް ހޯމް މިނިސްޓަރަކު ދިވެހިރާއްޖެ އަމާންކުރަން މަސައްކަތްނުކުރާވަރަށް އަޅުގަނޑު ހުންނާނެ ދިވެހިރާއްޖެ އަމާންކުރަން މަސައްކަތްކޮށްފަ،" - އުމަރު ނަސީރު
އޭނާ ވިދާޅުވީ އެގޮތުން 43 ގޭންގު ލީޑަރުންގެ ފައިގައި ޓެގުއެޅުވި އެއްވެސް މިނިސްޓަރެއް އެނާ ނޫނީ ނުހުންނާނެކަމަށެވެ.
"ހައްލަކީ އުމަރުކަން ސާބިތުކުރުމަށްޓަކައި ދިވެހިރާއްޖެއަށް 18 ކުއްތާގެ ކުއްތާ ސްކޮޑެއް ގެނެސް ރާއްޖޭގެ މަސްތުވާތަކެތި ކޮންޓްރޯލް ކުރުމަށްޓަަކައި އަޅުގަނޑު ހުންނާނީ މަސައްކަތްކޮށްފަ،" - އުމަރު
ރިޔާސީ އިންތިހާބަށް ވާދަކުރައްވަމުން ގެންދަވާ އުމަރު ނަސީރު ވިދާޅުވީ އޭނާ އެ މަސައްކަތް ކުރެއްވީ އެނަގެ "ކަނާއަތް ބަނދެފައި" ހުއްޓާކަމަށެވެ.
މީގެ ކުރިން ސީއެންއެމްއަށް ދެއްވި އެކްސްކުލޫސިވް އިންޓަވިއުއެއްގައި އުމަރު ނަސީރު ވިދާޅުވީ ރިޔާސީ އިންތިހާބުގެ ފުރަތަމަބުރުގައި ވެސް އަދި ދެވަނަ ބުރުގައިވެސް ކޯލިޝަން ހެދުމުގެ ވިސްނުމެއް ނެތް ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
