ރައްޔިތުންގެ މަޖިލީހުގެ ރައީސް އާއި ނައިބު ރައީސްގެ އިތުބާރު ނެތްކަމުގެ މައްސަލައެއް ހުށަހެޅޭ ހިސާބުން ދެން މަޖިލީސް ކުރިއަށް ގެންދާނެ ގޮތް މަޖިލީހުގެ ގަވާއިދުގައި ނެތްކަމަށް ޝިޔާމް ވިދާޅުވިއެވެ.
ޝިޔާމް ވިދާޅުވީ މަޖިލީހުގައި މަރުތަޅު އެޅުމުން، މިނިވަން މުއައްސަސާތައް ވެސް ޖަވާބުދާރީ ނުކުރެވޭނެކަމަށެވެ.
ނައިފަރު ދާއިރާގެ މެންބަރު ވަނީ 247 ވަނަ މާއްދާގެ ށ ގައިވާ ހާލަތަަށް މިހާރު މަޖިލީހުގެ ކަންކަން ގޮސްފައިވާކަމަށެވެ.
އެ މާއްދާގައި ބުނެފައިވަނީ "ވަކިކަހަލަ ކަމެއްގެ ނުރައްކަލެއް މަޖިލީހަށް ކުރިމަތިވެދާނެކަމުގެ ބިރު އުފެދިއްޖެ ހިނދުގައި އެކަމަކުން ރައްކާތެރިވުމަށް އަޅާ ފިޔަވަޅެއްގެ ގޮތުގައި އެ މުއްދަތައް މަޖިލީހުގެ ޖަލްސާތައް ނުބޭއްވުމުގެ އިހުތިޔާރު މަޖިލީހުގެ ރައީސް އަށް ލިބިގެންވާ" ކަމަށެވެ.
މައަދު މަޖިލީހުގައި ވާހަކަ ދައްކަވަމުން ޝިޔާމް ވިދާޅުވީ މި ހާލަތައް ކަންތައްތައް މިއަދު މި ދިޔައީ "ރައީސުލްޖުމްހޫރިޔާ މަޖިލީހަށް ބިރު ދައްކަވާ" ވަރުންކަމަށެވެ.
