ގަން އިންޓަނޭޝަނަލް އެއާޕޯޓު ތަރައްގީކުރުމުގެ އަމަލީ މަސައްކަތް ފެށުމުގެ ގޮތުން ބޭއްވި ރަސްމިއްޔާތުގައި އިކޮނޮމިކް މިނިސްޓަރު ފައްޔާޒު އިސްމާއިލް ވާހަކަފުޅުދައްކަވަނީ - ފޮޓޯ:ރައީސް އޮފީސް
އަމިއްލަ ރަށުގައި ހުރެ އާމްދަނީ ހޯދޭނީ ތިލަފަތަށް ވޯޓު ލައިގެން: ފައްޔާޒު
ގުފްތަގް އަޖީރު
26 ޖޫން 2023 - 11:47:15
އަމިއްލަ ރަށުގައި ހުރެ އާމްދަނީ ހޯދުމަށް ކުރިމުންގެންދާ މަސައްކްތައް ކުރިއަށްގެންގޮސް އަމިއްލަ ރަށުގައި ހުރެ ރަނގަޅު އާމްދަނީއެއް ހޯދޭނީ ރިޔާސީ އިންތިހާބުގައި އެމްޑީޕީން ނެރޭ ކެނޑިޑޭޓަކަށް ވޯޓު ލައިގެންކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެއެވެ.
އެމްޑީޕީއަށް 18 އަހަރު ފުރުމުގެ މުނާސަބަތުގައި ދެއްވި ހިތާބުގައި ފައްޔާޒު ވިދާޅުވީ އެމްޑީޕީގެ މެންބަރުން ކުރި މަސައްކަތުން ރައީސް އިބްރާހިމް މުހައްމަދު ސާލިހުގެ ސަރުކާރުގައި ދިވެހިރާއްކޭއަށް ރަނގަޅު ހެޔޮބަދަލާއި ތައްގީ ގެނެވުނުކަމަށެވެ. އޭގެ ތެރޭގައި އުފަން ރަށުގައި ހުރެގެން އާމްދަނީ ހޯދޭނެ ގޮތްތައް ވެސް ފަހިކުރެވުނުކަމަށެވެ.
"ފަސް އަހަރުގެ ތެރޭގައި ހޯދުނު ކާމިޔާބީ ޒަމާންތަކަށް ދެމެހެއްޓޭނީ މި ސަރުކާރު ދެވަނަ ދައުރަކަށް އިންތިހާބުކޮށްގެން. އަމިއްލަ ރަށުގައި އާއިލާއަށް ރަނގަޅު އާމްދަނީ ލިބޭނެ މަގެއް ހުޅުވޭ ބޮޑު ދޮރާށިން ދެވޭނެ ދުވަހަކީ އަންނަ ސެޕްޓެމްބަރު މަހު ތިލަފަތަށް ލާ ވޯޓު،" އެމްޑީޕީގެ ޗެއާޕާސަން ވިދާޅުވިއެވެ.
ފައްޔާރު ވިދާޅުވީ އެމްޑީޕީއަކީ "ހަސަބާއި ނަސަބަށް" ބަލާ ޕާޓީއެއް ނޫންކަމަށެވެ. އެހެންކަމުން އެމްޑީޕީއަށް 18 އަހަރު ފުރުނު ދުވަހު ވީހާވެސް ގިނަ ޒުވާނުން އެ ޕާޓީއާއި ގުޅުމަށް ވަނީ އެދިފައެވެ.
މީގެ އިތުރުން އެ ޕާޓީގެ ޗެއާޕާސަން އަދި އިކޮނޮމިކް މިނިސްޓަރު ފައްޔާޒު ވިދާޅުވީ "ވަކި ފަރުދަކަށްވުރެ އެމްޑީޕީ އަދި މި ގައުމު މި ޕާޓީގެ މެންބަރުންނަށް މާބޮޑު" ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
