ޕްރޮގްރެސިވް ކޯލިޝަންގެ ލީޑަރު އަދި ޕީއެންސީގެ ރައީސްގެ މަގާމުގައި ހުންނެވި އަބްދުއްރަހީމް އަބްދުﷲ (އަދުރޭ)އާއި މާލޭ ޑެޕިއުޓީ މޭޔަރު އަހްމަދު ނަރީޝް އާއެކު ލޫކަސް ނަގާފައިވާ ފޮޓޯތަކެއް ޝޯޝަލް މީޑިއާގައި ވައިރަލްވުމާއެކު އެމްޑީޕީގެ ޗެއާޕާސަން ފައްޔާޒު އިސްމާއީލް، ޝަމްއޫން ޖަލީލް (ލޫކަސް) އަށް ނަސޭހަތެއް ދެއްވައިފިއެވެ.
Advertisement
ލޫކަސް ވަނީ ދާދިފަހުން ނިޔާވި އޭނަގެ ބައްޕަ މުހައްމަދު ޖަމީލްގެ ރަހުމަތްތެރި ބޭފުޅެއްކަމުގައިވާ އަދުރޭ އަދި ނަރީޝް އާއެކު ގިނަ ވަގުތުތަކެއް ހޭދަކޮށް ދެ ބޭފުޅުންނަށް ބ.ކުޑަރިކިލުގެ އެކިއެކި ތަންތައް ދައްކަވާލައްވާފައެވެ.
"އަދުރޭއަކީ އޭނާގެ ޅައިރުގެ ހަނދާންތައް އަޅުގަނޑުގެ ގެއާ ގުޅިފައިވާ ބޭފުޅެއް،" -ލޫކަސް ޖަލީލް-
ނަމަވެސް ރިޕޯޓުތައް ބުނާގޮތުން އަދުރޭ އާއެކު ލޫކަލް ޖަލީލު ފޮޓޯ ނެގިނަމަވެސް، ސަރުކާރު ޕްރޮމޯޓު ނުކުރާތީ ޗެއާޕާސަން ފައްޔާޒު އިސްމާއިލް ހިތްހަމަނުޖެހުން ފާޅުކުރައްވައި، އެމްޑީޕީގެ ސިޔާސީ ބޭފުޅުން ތިއްބަވާ ގުރޫޕެއްގައި ވަނީ ލޫކަސް އަށް ނަސޭހަތް ދެއްވާފައެވެ.
އިކޮނޮމިކް މިނިސްޓަރުކަން ވެސް ކުރައްވާ ފައްޔާޒް ވިދާޅުވެފައިވަނީ "މިއީ ބޮޑު މައްސަލައެއް. ހަމައެކަނި ފޮޓޯ ނެގުން ނޫން. ސަރުކާރަށް ނިސްބަތްވާ އެހެން ބައެއް މީހުންވެސް ޕީޕީއެމް މީހުންނާއެކު ފޮޓޯ ނަގާ. އެކަމަކު ފޮޓޯ ނެގިޔަސް ސަރުކާރު ޕްރޮމޯޓުކުރަން އެމީހުންނަށް ކެރޭނެ،" ކަމަށް ރިޕޯޓުތައް ބުނެއެވެ.
އެމްޑީޕީގެ ސްލޮޓެއްގައި ސިޔާސީ މަގާމެއްގައި ހުންނެވި ނަަމަވެސް ލޫކަލް ޖަލީލް ދާދިފަހުން ވަނީ ރައީސް ނަޝީދަށް ތާއީދު ކުރާ މީހުން އުފެއްދި 'ދަ ޑިމޮކްރޭޓްސް' އާއި ގުޅިވަޑައިގެންފައެވެ.
