އުމަރު ނަސީރު
ދީނާ ބީރައްޓެހިކަމުން ނަޝީދާ އެކު މަސައްކަތެއް ނުކުރެވޭނެ: އުމަރު ނަސީރު
ރިފާއު ރަޝީދު
04 ޖުލައި 2023 - 12:28:38
ރައީސް މުހައްމަދު ނަޝީދަކީ ދީނާ ބީރައްޓެހި ބޭފުޅެއްކަމަށާ، ނަޝީދާ އެކުގައި ދުވަހަކުވެސް މަސައްކަތެއް ނުކުރައްވާނެކަމަށް ކުރީގެ ހޯމް މިނިސްޓަރ އުމަރު ނަސީރު ވިދާޅުވެއްޖެއެވެ.
Advertisement
އަންނަ ރިޔާސީ އިންތިހާބުގައި ވާދަކުރައްވާނެކަން އިއުލާންކުރައްވައި ކެމްޕެއިން ކުރައްވަމުން އަންނަ ކުރީގެ ހޯމް މިނިސްޓާ އުމަރު ނަސީރު ވިދާޅުވީ ނަޝީދަކީ އިސްލާމްދީނާ ބީރައްޓެހި ބޭފުޅެއްކަމަށެވެ.
ސީއެންއެމްގެ ޓީވީ ޕްރޮގްރާމެއްގައި ވާހަކަ ދައްކަވަމުން އުމަރު ވިދާޅުވީ "ނަޝީދުގެ އައިޑިއޮލޮޖީއަކީ ވަރަށް ލިބަރަލް އައިޑިއޮލޮޖީއެއް" ކަމަށެވެ.
އޭނާ އަކީ ވަރަށް ދީނާ ދުރު މީހެއްކަމަށާ، އަދި އިސްލާމީ ޝަރީއަތުގައި ހިފަން ބޭނުންވާ މީހެއްކަމަށްވެސް އުމަރު ތުހުމަތުކުރެއްވިއެވެ.
މީގެއިތުރުން ނަޝީދަކީ ދީނާ ބީރައްޓެހި ބޭފުޅެއްކަމަށާ، ނަޝީދުގެ ވެރިކަމުގައި މީހުން ދިރިއުޅޭ ރަށްރަށުގައި ބަނގުރާ ހުއްދަކުރުމަށް މަސައްކަތްކުރެއްވި މަންޒަރު ފެނުނު ކަމަށްވެސް އުމަރު ވިދާޅުވިއެވެ.
"އިނގިރޭސިވިލާތުގެ ލިބަރަލް ޕާޓީގެ ވިސްނުމަށްވުރެވެސް ރައީސް ނަޝީދުގެ ވިސްނުން ލިބަރަލްވާނެ،" ކަމަށް އުމަރު ވިދާޅުވިއެވެ.
އެހެންކަމުން ދުވަހަކުވެސް ނަޝީދާއެކު މަސައްކަތެއް ނުކުރެވޭނެކަމަށް އުމަރު ވިދާޅުވިއެވެ.
30%
ކަމުގޮސްފި
0%
އަޑުއެހިތާ މިހުރީ
20%
ސަތޭކައަކުން ސުމެއް
50%
ވަރަށް ސަލާމް
ކޮމެންޓްސް
