އަދުރޭ މިހެން ވިދާޅުވީ ކުރިއަށް އޮތް ރިޔާސީ އިންތިހާބުގައި އެންމެ ބުއްދިވެރި ގޮތަކީ ކުރީގެ ރައީސް ޔާމީން އަދި އެމަނިކުފާނު ވެސް ކުރިމަތިނުލެއްވުން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެ ދެއްކެވި ވާހަތަކަށް ރައްދު ދެއްވައި ކުރެއްވި ޓުވީޓުގައެވެ
ނަޝީދުގެ ވާހަކަ ތަކާއި ގުޅިގެން އަދުރޭ ވިދާޅުވި މިއަދު މިޤައުމަށް ދިމާވެފައިވާ ހުރިހާ މައްސަލައަކުން ހައްލު ހޯދާ ދެވޭނެ ހަމައެކަނި ކެނޑިޑޭޓަކީ ރައީސް ޔާމީންކަމަށެވެ. ރައީސް ޔާމީން ރިޔާސީ އިންތިޚާބުގައި ވާދަކުރާނެކަމަށާއި، އެކަމަށް އެދޭ ރައްޔިތުން އިންތިހާއަށް ގިނަ ކަމަށް އަދުރޭ ވިދާޅުވިއެވެ.
އަންނަ ރިޔާސީ އިންތިހާބުގައި އެކުގައި މަސައްކަތް ކުރުމަށް ޕީޕީއެމް/ޕީއެންސީއާ އެކު ޑިމޮކްރެޓްސް އިން މިހާރު އަންނަނީ ރަސްމީކޮށް މަޝްވަރާތައް ކުރަމުންނެވެ. ނަމަވެސް، އެ ދެ ޕާޓީން ވެސް ނިންމާފައިވަނީ ފުރަތަމަ ބުރުގައި ދެ ޕާޓީ ވެސް ވަކިން ވާދަކުރުމަށެވެ. މީގެކުރިން ނަޝީދުގެ ފަރާތުން ޖުމްހޫރީ ޕާޓީއާ ވެސް މަޝްވަރާތަކެއް ކުރި ނަމަވެސް، ނަތީޖާއެއް ނުކުމެފައެއް ނުވެ އެވެ. ޖުމްހޫރީ ޕާޓީން ވެސް އިންތިހާބުގައި ވާދަކުރަނީ ވަކިންނެވެ.
