އެކްޓިންގެ އިތުރުން ދިވެހިރާއްޖޭގައި މިވަގުތު ހުރި އެންމެ މޮޅު އެއް ވީޑިއޯ އެޑިޓަރު އާސިމް އާންމުކުރި މި ފޮޓޯތަކުން ފެންނަނީ އެއް ރަށުން އަނެއްރަށަށް ކޭބަލް ކާރު އަޅާފައިވާ މަންޒަރެވެ.
މާލެއާއި ކ. ކާށިދޫއާއި ދެމެދު ކޭބަލް ކާރު އެޅުމަކީ ކާށިދޫ ދާއިރާގެ މެންބަރު އަބްދުﷲ ޖާބިރު ވެލައްވާފައިވާ ވައުދެކެވެ.
އާސިމް ބުނީ މި ފޮޓޯތަކަކީ އާޓިފިޝަލް އިންޓަލިޖެންސް (އޭއައި) ބޭނުންކޮށްގެން އުފައްދާފައިވާ ފޮޓޯތަކެއް ކަމަށެވެ. ގިނަ އައު ކަންތަތަކެއް ވެސް ތަޖުރިބާ ކުރުމަުން އަންނަ އާސިމް ދާދިފަހުން ވަނީ އޭނާއާއި ވާހަކަދެއްކޭ އޭއައި ބޮޓެއް ވެސް ތައްޔާރުކޮށްފައެވެ.
އާސިމް ބުނާގޮތުން އެނާ އަންނަނީ "ލޯނެތްބޯ" ގެ ނަމުގައި އެނިމޭޓެޑް ސީރީޒް އެއް އުފެއްދުމުގެ މަސައް ވެސް ކުރަމުންނެވެ. އޭނާ އެންމެ ފަހުން ޑައިރެކްޓުކޮށް އުފައްދާފައިވަނީ 'ވިހާލި' ސީރީޒް އެވެ. ބައިސްކޯފުން ދެއްކި މި ސީރީޒްއަށް ވަނީ ބޮޑު ތަރުހީބެއް ލިބިފައެވެ.
