އެފްސީ ބްރަދާސްއަކީ ހެނބަދޫ ޖޯޝް ޖަމިއްޔާއިން ބާއްވާ މި މުބާރާތުގެ އެންމެ ފަހުގެ ރަނާއަޕް ޓީމެވެ. 

މުބާރާތުގެ ފުރަތަމަ މެޗުގައި ބްރަދާސް އާއި ބައްދަލުކުރީ ލަވެންޑާ ޔުނައިޓެޑެވެ. މި މެޗު ބްރަދާސްއިން ކާމިޔާބުކުރީ 6-0 ގެ ތަފާތު ބޮޑު ނަތީޖާއަކުންނެވެ. މެޗުގެ މޮޅު ކުޅުންތެރިއަކީ ބްރަދާސްގެ އަލީ ޝަހީދެވެ. އޭނާ ވަނީ މި މެޗުގައި ތިން ލަނޑު ޖަހާ، ހެޓްރިކް ހަދާފައެވެ. 

މެޗުގެ މޮޅު ކުޅުންތެރިޔާއަށް އިނާމު ދިނުން

މިއީ ޖޯޝް ޖަމިއްޔާއިން އިންތިޒާމުކޮށްގެން މި މުބާރާތް ބާއްވާ 16 ވަނަ ފަހަރެވެ. އެންމެ ފުރަތަމަ މި މުބާރާތް ބާއްވާފައިވަނީ 2006 ވަނަ އަހަރުއެވެ.  

މިފަހަރުގެ މުބާރާތުގައި ޖުމްލަ ފަސް ޓީމެއް ވާދަކުރެއެވެ. މި މުބާރާތުގެ އެއްވަނަ ހާސިލްކުރާ ޓީމަކަށް ތަށްޓާއި މެޑަލްގެ އިތުރުން 8000 ރުފިޔާގެ ފައިސާގެ އިނާމު ވަނީ ހުށަހަޅާފައެވެ. އަދި ދެވަނައަށްދާ ޓީމަކަށް މެޑަލްގެ އިތުރުން 4000 ރުފިޔާގެ ފައިސާގެ އިނާމު ދިނުމަށް ނިންމާފައިވެއެވެ.