ރައީސް އިބްރާާހިމް މުހައްމަދު ސޯލިހުގެ ކެމްޕޭނަށް ށ. ފޯކައިދޫގައި މި ހަފްތާގައި ބޭއްވި ޖަލްސާގައި ވާހަކަ ދައްކަވަމުން ޝައުނާ ވިދާޅުވީ، އޭނާ ވިދާޅުވީ ރާއްޖެއަށް ހެތޮ ވެރިކަމެއް ކުރުމަށްޓަކައި ކުރެވުނު ހުރިހާ ކަމެއް ކުރެވުނީ އެމްޑީޕީގެ ވެރިކަމެއްގައި ކަމަށެވެ.
ޝައުނާ ވިދާޅުވީ މި ފަހަރުގެ އިންތިހާބަށް އެމްޑީޕީން ނުކުންނަނީ އުފާވެރި އަމާން ރާއްޖެއަށް ދިއުމުގެ ތަސައްވަރާއި އެކުކަމަށެވެ.
ޝައުނާއަކީ އެމްޑީޕީ އުފެދުނީއްސުރެ އެ ޕާޓީގައި އިސްކޮށް ހަރަކާތްތެރިވި ބޭފުޅެކެވެ. އަދި ރައީސް އަބްދުﷲ ޔާމިންގެ ވެރިކަމުގައި ޝައުނާ ހައްޔަރުވެސް ކުރިއެވެ. އޭނާ ހައްޔަރު ކުރީ ފުލުހުންނަށް ގާ އުކިކަމަށް ތުހުމަތުކޮށެވެ. އޭރު ޝައުނާ ހުންނެވީ ޔޫތް ވިންގުގެ ރައީސް ކަމުގައެވެ.
ށ. އަތޮޅުގައި ކެންޕޭނު ފެއްޓެވުމަށްފަހު ރައީސް އިބްރާހިމް މުހައްމަދު ސާލިހުވަނީ އިއްޔެ އެނބުރި މާލެ ވަޑައިގެންފައެވެ. ރައީސްގެ ކެންޕޭނު ފެއްޓެވުމުގެ ގޮތުން ބޭއްވި ބޮޑު ޖަލްސާ އޮތީ ށ. ފޯކައިދޫގައެވެ. ރައީސް ކެމްޕޭނުގައި ބޭނުންކުރައްވަނީ ޕްރައިވެޓް ބޯޓެކެވެ.
