އިބްރާ މިހެން ވިދާޅުވެފައިވަނީ ސީއެންއެމްޓީވީގެ 'ރިޔާސީރޭސް 2023' ޕްރޮގުރާމުގައި ވާހަކަފުޅު ދައްކަވަމުނެވެ.
އިބްރާ ފާހަގަކުރެއްވީ މިހާރު ފެންނަނީ އޭރުގެ ހާލަތު ރުޖޫއަވާތަން ކަމަށާއި، އެއީ ރައީސުލްޖުމްހޫރިއްޔާގެ މަގާމުގައި ހުންނަވާ ބޭފުޅަކު ބޭނުންފުޅުވާ ކޮންމެ ކަމެއް ބޭނުންފުޅުވާ ގޮތަކަށް ކުރުމުން ދިމާވާ ކަމެއް ކަމަށެވެ. އަދި އެކަމާއި ސުވާލު އުފައްދާ އެކަމާއި ޖަވާބުދާރީ ކުރެވޭ ހާލަތެއް މިހާރު ނޯންނަ ކަމަށް އިބުރާ ވިދާޅުވިއެވެ.
ޖަވާބު ދާރީ ކުރުމާއި ނުރަނގަޅު ކަންތައް ކުރާ މީހުންނަށް އަދަބު ދެވުމަކީ މުހިންމު ކަންތައްތަކެއް ކަމަށް އިބްރާ ވަނީ ފާހަގަކުރައްވާފައެވެ.
އިބްރާ ވިދާޅުވީ ރައްޔިތުން ހޯދާފައިވާ މިނިވަންކަން މިހާރު ޖުމްލަކޮށް ގެއްލިފައިވާކަމަށެވެ. އިބްރާ ވަނީ ރައްޔިތުންގެ ހައްގުތައް ހޯދައި ދިނުމުގެ އިސްލާހީ މަސައްކަތް ވެސް ކުރައްވާފައެވެ. އަދި އެ މަސައްކަތް ފެށިގެން އައި ދުވަސްވަރު އެންމެ ބޮޑަށް އެ މަސައްކަތުގައި ބައިވެރިވި މީހުންގެ ތެރޭގައި އިބްރާ ހިމެނެއެވެ.
