އުމަރު ނަސީރު މިހެން ވިދާޅުވީ ރޭ ވ އަތޮޅުގައި ބޭއްވި ކެންޕޭނު ޖަލްސާއެއްގައި ވާހަަކަ ދައްކަވަމުންނެވެ.
އުމަރު ވިދާޅީ މަރުތޭލެއް ހިފައިގެން އަންނަވެރިއަކު ވެރިކަމަށް ވަޑައިގެން ނުވަދެ ހުންނަ މޮހޮރުތައް ވައްދާލަން ޖެހޭކަމަށެވެ. ބެލެވޭ ގޮތުގައި މަރުތޭލެއްގެ ވާހަކަ އުމަރު އެ ވިދާޅުވަނީ ރަމްޒީ ގޮތަކަށެވެ. މަރުތޭލަކީ ހައްލެއް ކަމަށާއި، މޮހޮރުތަކަކީ މައްސަލަތައް ކަމަށް ބެލެވިދާނެއެވެ.
"މިއީ ތިބޭފުޅުނަށް މަރުތޭލެއް ހިފައިގެން އަންނަ ވެރިޔަކު ބޭނުންވާ ވަގުތު. އެ ވެރިޔަކު އަންނަ ގޮތަށް އައިސް ނުވަދެފައި ހުންނަ މޮހޮރުތައް އެ މޮހޮރުތަކުގެ ބޮލުގައި މަރުތޭލުން ޖަހައި އެ މޮހޮރުތައް ވައްދާ ހަމަކޮށްލާ ކަހަލަ ވެރިޔަކު މިގައުމަށް ބޭނުންވާ ވަގުތު،" އުމަރު ނަަސީރު ރޭ ވިދާޅުވިއެވެ.
އުމަރު ވިދާޅުވީ އޭނާ ގެނެސްދޭނޭނީ ކުޅޭކުޅޭ ވެރިކަމެއް ނޫންކަމަށެވެ.
ރިޔާސީ އިންތިހާބުގައި އަމިއްލަ ގޮތުން ވާދަކުރައްވާ ކުރީހެ ހޯމް މިނިސްޓަރު އުމަރު ނަސީރު އެނާގެ ކެމްޕެއިން ރަސްމީކޮށް ފަށާފައިވަނީ ހުކުރު ދުވަހުއެވެ. އުމަރު ނަސީރު ވަނީ ހުކުރު ދުވަހު ވ.އަތޮޅުގެ 3 ރަށަށް ވަޑައިގެންފައެވެ. އެއީ ވ. ފެލިދޫ، ވ. ކެޔޮދޫ އަދި ވ. ފުލިދޫއެވެ.
