"ސީއެންއެމް" އިން ކޮންމެ ދުވަހަކު ގެނެސްދޭ "ރަށު ހަބަރު" ޕްރޮގްރާމުގެ ތެރެއިން މިއަދުގެ ޕްރޮގްރާމުގައި ވާހަކަފުޅު ދައްކަވަމުން ހެނބަދޫ ކައުންސިލްގެ ރައީސް ހުސެއިން އަބޫބަކުރު ވިދާޅުވީ އެރަށުގައި އުޅެނީ ވަރަށް އެކުވެރި އެއްބައިވަންތަ ރައްޔިތުންތަކެއް ކަމަށެވެ.
ރާއްޖޭގައި ކުއްކުރުމުގެ ހާލަތު އިތުރުވެ ކުށަށް އަރައިގަންނަ ޒުވާނުންވެސް ގިނަ ކަން ފާހަގަކުރައްވަމުން އަބޫބަކުރު ވިދާޅުވީ ހެނބަދޫގައި ކުއްކުރާ މީހުން އުޅޭ މިންވަރު ނުވެސް ނެތް ކަމަށެވެ. އެގޮތުން މަސްތުވާތަކެތީގެ ޝައްކެއް ކުރެވެނީވެސް ހަމަ އެކަނި ދެ ޒުވާނަކަށް ކަމަށް ފާހަގަ ކުރެއްވި އެވެ.
އަބޫބަކުރު ވިދާޅުވީ ރާއްޖޭގެ މިވަގުތު އޮތް ސިޔާސީ ހަލަބޮލި ކަމާއެކު އޮތް ހިޔާލު ތަފާތުވުންތައްވެސް ހެނބަދޫގައި މަދު ކަމަށެވެ.
އެގޮތުން ޖުމްލަކޮށް ހެނބަދޫގައި އޮތީ މި ސަރުކާރުގެ ނުވަތަ ރައީސް އިބްރާހިމް މުހައްމަދު ސޯލިޙްގެ ސަޕޯޓަރުން ކަމަށެވެ. އެހެން ކަމުން ސިޔާސީ ހިޔާލުތަފާތުވުންތަކެއްވެސް ހެނބަދޫގަިއ މާބޮޑަށް ނެތް ކަމަށެވެ.
ހެނބަދޫ އަކީ އާބާދީގައި ގާތްގަނޑަކަށް 800 އެއްހައި މީހުން ދިރިއުޅެމުން އަންނަ ރަށެކެވެ.
