ބީއެމްއެލުން ބުނީ އެ ބޭންކުން އަލަށް ގެދޮރު ގަންނަ ފަރާތްތަކަށް ހޯމް ޕާޗޭސް ލޯން އަދި ހޯމް ޕާޗޭސް ފައިނޭންސިންއަށް ފައިސާ އަނބުރާ ދެއްކުމުގެ މުއްދަތު 25 އަހަރަށް އިތުރުކޮށްފައިވާ ކަމަށެވެ.

ބީއެމްއެލުން ބުނެފައިވަނީ އެ ބޭންކުގެ ހޯމް ޕާޗޭސް ލޯނާއި ބީއެމްއެލް އިސްލާމިކް ހޯމް ޕާޗޭސް ފައިނޭންސިން ދޫކުރަނީ 20 އިންސައްތަ އިކުއިޓީ އާއެކު، ނުވަ އިންސައްތަ އިންޓަރެސްޓު ރޭޓުގައި ކަމަށެވެ. މިހާރު ގެދޮރު ގަނެފައިވާ ފަރާތްތަކަށް އިތުރު ޕްރޮޕަޓީއެއް ގަތުމަށް މި ފެސިލިޓީ ބޭނުން ކުރެވޭނެ ކަމަށް އެ ބޭންކުން ބުނެއެވެ.

ބީއެމްއެލުން ބުނި ގޮތުގައި މިއަދުން ފެށިގެން ލިބޭ ލޯން އެޕްލިކޭޝަންތަކަށް އަލަށް ކަނޑައެޅުނު ބަދަލުތަކަށް އަމަލުކުރަމުންދާނެ ކަމުގައެވެ. 

ބީއެމްއެލް ހޯމް ޕާޗޭސް ލޯނާ ގުޅޭ އިތުރު މައުލޫމާތު:

https://www.bankofmaldives.com.mv/personal/borrow/home-purchase-loan

ބީއެމްއެލް އިސްލާމިކް ހޯމް ޕާޗޭސް ފައިނޭންސިން އާ ގުޅޭ އިތުރު މައުލޫމާތު:

https://www.bankofmaldives.com.mv/islamic/financing-products/home-purchase-financing