ސީއެންއެމްއަށް ޝެހޭގެ ވާހަކަތައް ކިޔައިދެމުން ބުނީ ކޮންމެ ދާއިރާ އަކުވެސް ކުރިއަށްދާން އަންހެނުންނަށް ގޮންޖެހުންތައް ހުންނާނެ ކަމަށާއި، ނަމަވެސް ހިތްވަރާއެކު މަސައްކަތް ކޮށްފިނަމަ ކުރިއަށްދެވޭނެ ކަމަށެވެ.
ކުރިއަށްދާން ނެގެޓިވް ކޮމެންޓްތަކާއިވެސް ކުރިމަތިލާން ޖެހޭ ކަމަށާއި، ލިބޭ ނެގެޓިވް ކޮމެންޓްތަކާއި ޕޮޒިޓިވް ކޮމެންޓްތަކަކީ ކުރިއަށް މޫވް ކުރަން ބޭނުންވާ މީހަކު ވިސްނަންޖެހޭ އެންމެ މުހިންމު ކަންތައް ކަމަށެވެ. ސިޔާސީ ހަރަކާތްތަކުގައި މަސައްކަތް ކުރުމުގައި ވަރަށް ގިނަ އުނދަގޫ ހާލަތަތްތައް އައިސްފައިވާ ކަމަށްވެސް ޝެހޭ ބުންޏެވެ.
ސިޔާސީ ދާއިރާގެ ތަޖުރިބާ އަށް އޭނާ ބުނީ ޕޮލިޓިކްސް ދާއިރާއިން ހާއްސަކޮށް އަންހެނަކަށް ނުކުމެވޭނީ އާއިލާގެ އެއްބާރުލުމާއި، ޕާޓްނަރުގެ ވެސް ވަރަށް ބޮޑު އެހީތެރިކަމަކާއެކުގައި ކަމަށެވެ. ދަރިއަކުހުރެފަ ފިރިއަކު ހުރެފަ އާއިލާއެއް އޮތީމަ ލިބުނު އިންޒާރުތަކުން ބިރުވެރިމަށް ދިޔުމުން މަޑުމަޑުން އެދާއިރާއިން ދުރަށްދެވުނު ކަމަށެވެ.
އެހާ ހިސާބުން ޓިކްޓޮކާއި ގުޅިގެން އަނެއްކާވެސް މީހުން ލޯ މައްޗަށް ޝެހޭ ނުކުތީ އިންސާނީ އެހީތެރިއެއްގެ ގޮތުގައެވެ. މައުލޫމާތު ތަކެއް ފޯރުކޮށްދިނުމަށެވެ.
ޝެހޭ ބުނީ އޭނާ އުއްމީދަކީ އިންސާނީ އެހީތެރިކަމާއިއެކު، އަދި ޕޮލިޓިކްސް ދާއިރާއިން ވެސް ކުރިއަށް ދިއުން ކަމަށާއި، އެކަމުގައި އިރާދަ ކުރެއްވިއްޔާ ކުރިއަށްދާނެ ކަމަށެވެ.
ޝެހޭގެ އިންޓަވިއު ބައްލަވައިލެއްވުމަށް މި އާޓިކަލް އާއެކު ހީރަސް ކުރެވިފައިވާ ވީޑިއޯ ބައްލަވާލައްވާށެވެ.
