Advertisement

ފިނޭންސް މިނިސްޓްރީން އާންމުކޮށްފައިވާ ތަފާސް ހިސާބުތަކަށް ބަލާއިރު މިދިޔަ ބުރާސްފަތި ދުވަހުގެ ނިޔަލަށް،

• ދައުލަތަށް އާމްދަނީގެ ގޮތުގައި 18.8 ބިލިއަން ރުފިޔާ ވަނީ ލިބިފައި
• ނިމިދިޔަ އަހަރުގެ އެ މުއްދަތުގައި ލިބިފައިވަނީ 16.6 ބިލިއަން ރުފިޔާ
• މިއީ މިދިޔަ އަހަރުގެ އެ މުއްދަތާ އަޅާބަލާއިރު 13.3 އިންސައްތައިގެ އިތުރުވުމެއް

ދައުލަތަށް ލިބުނު އާމްދަނީގެ ބޮޑު ބައެއް ހިއްސާ ކޮށްފައިވަނީ ޓެކްސްގެ ގޮތުގައި ލިބުނު އާމްދަނީންނެވެ. ޖުލައި މަހުގެ 27 ވަނަ ދުވަހުގެ ނިޔަލަށް ޓެކްސްގެ ގޮތުގައި 14.2 ބިލިއަން ރުފިޔާ ލިބިފައިވެއެވެ.

• ޓީޖީއެސްޓީގެ ގޮތުގައި 5.1 ބިލިއަން ރުފިޔާ ލިބިފައިވޭ
• ބީޕީޓީގެ ގޮތުގައި 3.6 ބިލިއަން ރުފިޔާ ލިބުނު
• ޖީއެސްޓީގެ ގޮތުގައި 2.4 ބިލިއަން ރުފިޔާ ލިބުނު
• އިމްޕޯޓް ޑިއުޓީގެ ގޮތުގައި 1.8 ބިލިއަން ރުފިޔާ ލިބިފައިވޭ
• ގްރީން ޓެކްސްގެ ގޮތުގައި 559.7 މިލިއަން ރުފިޔާ ލިބިފައިވޭ

ތަފާސް ހިސާބުތައް ދައްކާގޮތުން ޓެކްސް ނޫން ދާއިރާތަކުން އާމްދަނީގެ ގޮތުގައި 4.4 ބިލިއަން ރުފިޔާ ދައުލަތަށް ލިބިފައިވެއެވެ.

• ފީ އަދި ޗާޖުތަކުން 1.5 ބިލިއަން ރުފިޔާ ލިބިފައިވޭ
• އިންޓަރެސްޓް، ޕްރޮފިޓް އަދި ޑިވިޑެންޑްގެ ގޮތުގައި 945.5 މިލިއަން ރުފިޔާ ލިބުނު
• ރިސޯޓު ކުލިން 909.7 މިލިއަން ރުފިޔާ ލިބުނު

ރައްޔިތުންގެ މަޖިލީހުން މި އަހަރަށް ފާސްކޮށްފައިވަނީ 42.8 ބިލިއަން ރުފިޔާގެ ބަޖެޓެކެވެ. މި އަހަރުގެ ބަޖެޓުގައި ޓީޖީއެސްޓީ އާއި ޖީއެސްޓީން ދައުލަތަށް 13.2 ބިލިއަން ރުފިޔާ ލިބޭނެ ކަމަށް ވަނީ ލަފާކޮށްފައެވެ. މި އަހަރު ނިމޭއިރު ދައުލަތަށް 32 ބިލިއަން ރުފިޔާގެ އާމްދަނީއެއް ލިބޭނެ ކަމަށް ލަފާކޮށްފައިވާއިރު، ޓެކްސް އާމްދަނީގެ ގޮތުގައި 23.5 ބިލިއަން ރުފިޔާ ލިބޭނެ ކަމަށް ވެސް ބަޖެޓުގައި އަންދާޒާކޮށްފައިވެއެވެ.