މާމެންދޫ ސްކޫލުގެ އައު އިމާރާތް ހުޅުއްވައި ދެއްވަނީ
ރައީސް މާމެންދޫ ސްކޫލުގެ އާ އިމާރާތް ހުޅުއްވައިދެއްވައިފި
އަލީ މިދުހަތު
10 އޯގަސްޓް 2023 - 22:59:26
ރައީސް އިބްރާހީމް މުހައްމަދު ސޯލިހް، ގއ. މާމެންދޫ ސްކޫލުގެ އާ އިމާރާތް ހުޅުއްވައި ދެއްވައިފިއެވެ. ރައީސް އެ ޢިމާރާތް ހުޅުއްވައިދެއްވީ، މިހާރު އެމަނިކުފާނު ހުވަދު އަތޮޅަށް ކުރައްވާ ދަތުރުފުޅުގެ ތެރެއިން މިއަދު ހަވީރު އެރަށަށް ވަޑައިގެންނެވެ.
Advertisement
ރައީސް މިއަދު ހުޅުއްވައި ދެއްވި، މާމެންދޫ ސްކޫލުގެ އާ އިމާރާތަކީ ޖަޕާނުގެ އެހީގައި ބިނާކުރި ޢިމާރާތެކެވެ. ދެކުލާސް ރޫމް ހިމެނޭ މިޢިމާރާތުގެ މަސައްކަތްކޮށްފައި ވަނީ، ވެލް ޓްރޭޑިންގ ޕްރައިވެޓް ލިމިޓެޑުންނެވެ.
އަތޮޅުތަކުގެ ރަށްރަށުގައި އަސާސީ ހިދުމަތްތައް ޤާއިމްކޮށް، ރައްޔިތުންގެ ދިރިއުޅުމުގެ ފެންވަރު މަތިކުރުމަށްޓަކައި، ސަރުކާރުން ވަނީ، އަތޮޅުތަކުގެ ރަށްރަށުގައި ޢުމުރާނީ ތަރައްގީގެ ވަރަށް ގިނަ މަޝްރޫޢުތައް ހިންގާފައެވެ.
އަދި ފަހުރުވެރި، އަބުރުވެރި ދިރިއުޅުމެއް އުޅެވޭނެހެން މަގުފަހިކުރުމަށް ރާއްޖޭގެ ރަށްރަށުގެ ތަރައްޤީއަށް ސަރުކާރުން ދަނީ ގިނަ ގުނަ މަސައްކަތްތަކެއް ކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
