ސިއެންއެމްޓީވީގެ "މެނިފެސްޓޯ" ޕްރޮގްރާމްގައި ވާހަކަ ދައްކަވަމުން ޝަމާއު ވިދާޅުވީ މީގެ ކުރިން އައްޑޫ ހޮސްޕިޓަލުތަކުން ނުދޭ ބައިވަރު ތެރަޕީތައް މިހާރުދޭ ކަމަށާއި، އައްޑޫ އިކުޓޯރިއަލް ހޮސްޕިޓލުގެ މުޅި ހިދުމަތަށް ބޮޑު ބަދަލު ގެނެވުނު ކަމަށެވެ.
ދުނިޔެއަށް ދިމާވި އެންމެބޮޑު ބަލިމަޑުކަމަކީ ކޮވިޑްގެ ހާލަތު ކަމަށާއި، މި ސަރުކާރުގައި އެކަމުން އަރައިގަނެވި ކުރެވުނު މަސައްކަތަކީ ސިއްހީ ހިދުމަތަށް ބޮޑުބަދަލެއް ގެނަވުނު ކަމެއް ކަމަށް ޝަމާއު ވިދާޅުވިއެވެ. އަދި ކޮވިޑް ހާލަތުގައިވެސް އިކުޓޯރިއަލް ހޮސްޕިޓަލުގައި ފަރުވާތައް މާލެ އާއި އެއްފެންވަރެއްގައި އައްޑޫގައި ދެވުނު ކަމަށާއި، އިކުޓޯރިއަލް ހޮސްޕިޓަލް އޮތީ ކޮވިޑްގައި އެންމެ ނުރައްކާވާ ބަލިމީހާއަށް ވެސް ފަރުވާދެވޭނެ ހާލަތުގައި ކަމަށް ޝަމާއު ވިދާޅުވިއެވެ.
އައްޑޫގައި ސިއްހީ ވަސީލަތްތަކާއި އެހެނިހެން ހިދުމަތްތައް ހުރީ ހަމައެކަނި އިކުޓޯރިއަލް ހޮސްޕިޓަލުގައިނޫން ކަމަށާއި، ސިއްހީ މަރުކަޒުތަކުގައިވެސް ހުރީ ގާއިމް ކޮށްފައެވެ.
އަދި ހާއްސަކޮށް މި އަހަރު ތެރޭގައި ހޮސްޕިޓިލަށް ބޭނުންވާ އިކުޕެންތައްވެސް ފޮނުވާފަވާ ކަމަށް ޝަމާއު ވިދާޅުވިއެވެ. އެގޮތުން ކޮންޕިއުޓާ ސިސްޓަމުން ފެށިގެން ގޮސް މެޑިކަލް ޑިވައިސްތައް ވެސް މިހާރު ގާއިމު ކުރެވިފައިވާ ކަމަށް ޝަމާއު ވިދާޅުވިއެވެ.
ޝަމާއު ވިދާޅުވީ ސިއްހީ ހިދުމަތް ރަނގަޅު ކުރުމަށް މިސަރުކާރުން ކުރި މަސައްކަތުގެ ތެރޭގައި ދަބަރު ޖަހާފައިހުރި ކަތުރު ތަކާއި، ލޯވަޅު އެޅިފައިހުރި ޓްރޭތައް ވެސް ނައްތާލެވިފައިވާ ކަމަށެވެ.
