ނައިފަރުގައި ބޭއްވި ކެމްޕޭން ޖަލްސާގައި ރައީސް މިގޮތުން ވިދާޅުވީ، މިއީ މިއަތޮޅު ވެރިކަން ކުރާ ރަށް ކަމުގައިވީ ނަމަވެސް، އެހެން އަތޮޅުތަކުގެ ވެރިކަންކުރާ ރަށްތަކާއި ނައިފަރާ ބޮޑު ތަފާތެއްވާ ކަމަށެވެ.
ޕީޕީއެމްގެ ބޮޑު ސަޕޯޓެއް އޮންނަ ނައިފަރަށް ރައީސް ވަޑައިގަތުމުން ގިނަ އަދަދެއްގެ ބަޔަކު އެ މަނިކުފާނަށް މަރުހަބާ ދެންނެވުމަށް ނުކުމެފައިވެއެވެ. މި ކެމްޕޭން ޖަލްސާގައި ނައިފަރަށް އެމްޑީޕީން ރައީސް ސޯލިހް ކޮށްދިނުމަށް ވެފައިވާ ކަންތައްތަކުގެ ބޮޑު ލިސްޓެއް އިއުލާން ކުރެއްވިއެވެ.
ނައިފަރުގެ ވައުދުތައް:
1. ހޮސްޕިޓަލަށް އިތުރު އިމާރާތް އިތުރުކުރުން
2. ސައިކޭޓްރިސްޓެއްގެ ހިދުމަތް ފެށުން
3. މަދަރަސަރުލް އިފްތިތާހަށް މަލްޓިޕާޕޯސް ހޯލަކާއި ސައިންސް ލެބެއް ހެދުން
4. ބަނދަރަށް ދިމާވެފައިވާ މައްސަލަތައް ހައްލުކޮށް، އުތުރު ބަނދަރު ކުދި އުޅަނދު ފަހަރަށް ކައިރިކުރެވޭނެގޮތަށް ތަރައްގީކުރުން
5. 20 ހެކްޓަރުގެ ބިން ހިއްކުން
6. 200 ފްލެޓް އަޅައިދިނުން
7. މަގުތައް ތާރުއަޅައި ތަރައްގީކުރުން
