ހިންނަވަރުގައި މިރޭ ބޭއްވި ޖަލްސާގައި ވާހަކަ ދައްކަވަމުން ރައީސް ވިދާޅުވީ ހިންނަވަރަށްވެސް އެންމެ ރަނގަޅުވާނީ އެމަނިކުފާނަށް އިތުރު ދައުރެއް ލިބިގެންކަމަށެވެ.
އުފަން ރަށް ޅ. ހިންނަވަރުގެ ގިނަ އަދަދެއްގެ ސަޕޯޓަރުންނާއެކު ބޭއްވި ކެމްޕޭން ޖަލްސާގައި ރައީސް ސޯލިހްވަނީ ކެމްޕޭނުގައި ވިދާޅުވަމުން އަންނަ ރަށް ރަށް ތަފާތު ކުރުމެއްނެތި ތަރައްގީ ކުރުމަށް ގެންގުޅޭ ސިޔާސަތު ތަކުރާރުކޮށް ވިދާޅުވިއެވެ. އާބާދީ ކުޑަޔަސް އެ ރަށެއްގެ ރައްޔިތުން ބޭނުންވާގޮތަށް ދިރިއުޅެވޭނެ އަސާސީ މިންވަރުގެ ތަރައްގީ ގެނެސްދީ ހަމަޖެހިގެން އުޅެވޭނެ ގޮތެއް އެރަށަކަށް ހޯދައިދިނުން ކަމުގައި ވިދާޅުވިއެވެ.
ހިންނަވަރު ވައުދުތައް:
1. ސްޕޯޓްސް ކޮމްޕްލެކްސްއެއް އަޅައިދޭނަން
2. ބިންހިއްކުން
3. 200 ހައުސިންގ ޔުނިޓް ނޫނީ ފްލެޓް އަޅައިދޭނަން
4. ސްކޫލަށް އައު އިމާރާތްތަކާއެކު ތަރައްގީކުރުން
5. ހޮސްޕިޓާ ތަރައްގީކުރުން
6. ބޭރުން އަންނަ އުޅަނދު ގާތްކުރެވޭގޮތަށް ބަނދަރު ތަރައްގީކުރުން
7. ފުޓްސަލް ދަނޑެއް ތަރައްގީކުރުން
