ޝިޔާމް މިގޮތަށް ވިދާޅުވީ ރައީސް ސޯލިހްގެ ރިޔާސީ ކެމްޕޭނުގައި "އުފާވެރި މާލެ" ސިޔާސަތު ހާމަކުރުމަށް ކާނިވާ ސަރަހައްދުގައި ބޭއްވި ޖަލްސާގައި ވާހަކަ ދައްކަވަމުންނެވެ.
ޝިޔާމް ވިދާޅުވީ ކޮވިޑުގެ ވަބާގެ ތެރޭގައި އަޅުގަނޑުމެން ތިބީ ހަދާނެ ނަހަދާނެ ގޮތެއް ނޭނގި ވިޔަފާރިތައް ބަންދުކުރަންޖެހޭ ހާލަތެއްގައި ކަމަށެވެ. ކުރިމަތިލައްވައިގެން އެ އުޅުއްވާ ގާސިމްވެސް ވިދާޅުވީ އަޅުގަނޑުމެން ހަލާކުވެއްޖެ ކަމަށާއި ވިޔަފާރި މުޅިން އަވަދިވެއްޖެ ކަމަށެވެ. އެހާލަތުގައި ތިއްބާ ރައީސްގެ ވިސްނެވުމުން ލޯނު ނަގައި ރާއްޖޭގެ ހާލަތު ގޯސްވިޔަނުދީ ހިފަހައްޓައިދިން ކަމަށެވެ.
އަދި އޭގެ ފަހުން ބޯޑަރު ހުޅުވައި އަލުން ރާއްޖޭގެ އިގްތިސާދު މިވަނީ ރަނގަޅު ކޮށްފައި ކަމަށެވެ. މިއާއެކު ރާއްޖޭން ބޭރު ގައުމުތަކުންވެސް ހައިރާންވެ ރާއްޖެއިން މިކަމުގައި ގެންގުޅުނު ރެސިޕީ ހޯދަން އެދުނު ކަމަަށެވެ.
ޝިޔާމްގެ ވާހަކައިގައި ވިދާޅުވީ ދުނިޔޭގައި އެންމެ ބޮޑު މުސީބާތަކީ ފަގީރުކަން ކަމަށެވެ މި ރާއްޖެއިން އެކަން ނައްތާލާނެ ބޭފުޅަކީވެސް ރައީސް ސޯލިހް ކަމަށެވެ.
