ރައީސް ސޯލިހް މިގޮތަށް ވިދާޅުވީ، މިއަދު ހދ އަތޮޅަށް ކުރައްވަމުން ގެންދަވާ ކެމްޕޭނު ދަތުރުގައި ހދ. ހިރިމަރަދޫގެ ސަޕޯޓަރުންނާއެކު ބޭއްވި ޖަލްސާގައި ވާހަކަފުޅު ދައްކަވަމުންނެވެ.
ރައީސް ސޯލިހު ފާހަގަކުރެއްވި ގޮތުގައި ވާދަވެރިންގެ އެ ސިޔާސަތާއި ހިލާފަށް އެމްޑީޕީގެ ވިސްނުމަކީ، މުޅި ރާއްޖެ ތަރައްގީކުރުން ކަމަށެވެ. ކުޑަރަށެއް ބޮޑުރަށެއް ނުބަލައި ބޭނުންވާ އަސާސީ ހިދުމަތް ފޯރުކޮށް ދިނުމެވެ. މާޒީއަށް ބަލައިލުމުންވެސް އެބޭފުޅުން މަސައްކަތް ކޮށްފައިވަނީ ވަކި ރަށްތަކެއްގެ ތަރައްގީއަށް ބަލައިގެންކަން ފެންނާނެ ކަމަށެވެ.
ހިރިމަރަދޫގައި ސަޕޯޓަރުންނާއެކު ބޭއްވި ޖަލްސާގައިވެސް ރައީސް ސޯލިހް އެރަށަށް ކޮށްދެއްވުމަށް ނިންމާފައިވާ ކަންކަން އިއުލާން ކުރެއްވިއެވެ.
ރައީސް ސޯލިހުގެ ހިރިމަރަދޫގެ ވައުދުތައް؛
1. ބަނދަރު މަރާމާތުކޮށް، ބޮޑުކޮށް ތަރައްގީކުރުން
2. މޫދަށް އެރޭނެ ސަރަހައްދެއް ގާއިމްކުރުން
3. ބޮޑެތި މަގުތަކުގައި ތާރުއަޅައި ތަރައްގީކުރުން
