ރިޔާސީ އިންތިހާބު ކެމްޕެއިނަށް ތ. ވޭމަންޑޫ އަށް ވަޑައިގެން ޑރ. މުއިއްޒު ވިދާޅުވީ 2018އިގެ އިންތިހާބުގައި ވޭމަންޑޫ އާއި ކިނބިދޫ ގުޅާލަދިނުމަކީ ރައިސް ޔާމީންގެ ވައުދެއް ކަމަށާއި، އެމަނިކުފާނުގެ ދައުރެއްގައި އެ ކަން ކުރައްވާނެ ކަމަށެވެ.
އޭގެ އިތުރުންވެސް މުއިއްޒުވަނީ އެރަށަށް ގިނަ ވައުދުތަކެއް ވެލައްވާފައެވެ. އެގޮތުން ދެ ރަށުގެ ބިންހިއްކާނެ ކަމަށް ވެސް ވިދާޅުވިއެވެ. އަދި ހިއްކާލެވޭ ބިމުން ޒުވާނުންނާއި އެހެންފަރާތްތަކަށް ބޭނުން ކުރެވޭ ތަނަކަށް އެތަން ހަނދާނެ ކަމަށްވެސް މުއިއްޒު ވިދާޅުވިއެވެ.
އެގޮތުން ބިމުން ހިއްކާލެވޭ އެ ސަހަހައްދު ބޭނުންކުރެވޭނީ އިގްތިސޯދީ ބޭނުމަށް ކަމަށްވެސް މުއިއްޒު ވަނީ ވިދާޅުވިއެވެ.
މުއިއްޒު ވިދާޅުވީ އެ ސަރަހައްދުގައި ބިން ހިއްކުމަކީ ކުރިއަށް އޮތް މުސްތަގުގުބަލަށް ކުރެވޭ ކަމެއް ކަމަށެވެ. އަދި ރާއްޖޭގެ ބިން އިތުރު ކުރުމަށް ހަދާފައިވާ މާސްޓާ ޕްލޭންގެ ތެރެއިން ވެސް އެ ސަހައްދު ހިމަނާފައިވާނެ ކަމަށް މުއިއްޒު ވިދާޅުވިއެވެ.
އަދި ޒުވާނުންނަށްވެސް ފަހި ފުރުސަތުތަކެއް ވޭމަންޑޫގައި އެމަނިކުފާނުގެ ވެރިކަމެއްގައި ކުރިއަށްދާނެ ކަމަށްވެސް މުއިއްޒު ވިދާޅުވިއެވެ.
