ހދ އަތޮޅަށް ކުރައްވަމުން ގެންދަވާ ކެމްޕޭން ދަތުރުގައި މިއަދު ހދ. ނެއްލައިދޫގެ ގިނަ އަދަދެއްގެ ސަޕޯޓަރުންނާއެކު ބޭއްވި ކެމްޕޭން ޖަލްސާގައި ވާހަކަފުޅު ދައްކަވަމުން ވިދާޅުވީ މީހުން އެއްތަނުން އަނެއްތަނަށް އުފުލުހުމުގައި އާރްޓީއެލް އިން ކާމިޔާބު ހޯދާފައިވާކަމަށެވެ.
ރައީސް ސޯލިހް އިތުރަށް ވިދާޅުވީ، ގައުމެއް ތަރައްގީވުމަށް އެންމެ ބޭނުންވާ އެއްކަމަކީ، މީހުންނާއި ތަކެތި އެއްތަނުން ފަސޭހައިން ގެންދެވޭނެ ރަނގަޅު ފަސޭހަ ނިޒާމެއް އޮތުން ކަމަށެވެ. އެގޮތުން މި ދައުރުގައި އާރުޓީއެލް ތައާރަފްކޮށް މީހުންނަށް ފަސޭހައިން ދަތުރުކުރެވޭނެ ލުއިގޮތްތަކެއް ހަދައިދެވިފައިވާ ކަމަށެވެ.
ނެއްލައިދޫއަށް ރައީސްގެ ވައުދުތައް:
1. ބޯހިޔާވަހިކަމަށް ފްލެޓްއެޅުން
2. ބޮޑެތި މަގުތަކުގައި ތާރުއަޅާ ތަރައްގީކުރުން
3. ސްކޫލުގެ ޖާގައިގެ ދަތިކަން ހައްލުކޮށްދީ، އިތުރު ވަސީލަތް ގާއިމުކުރުން
4. އޮޑިދޯނިފަހަރު ފަސޭހައިން އެހެލާ ބޭލޭގޮތައް ސަރަހައްދެއް ހަދައިދިނުން
5. ޒަމާނީ ފެންވަރުގެ މިސްކިތެއް އަޅައިދިނުން
6. ހިރިނައިދޫއިން އިގްތިސޯދީ ފައިދާ ލިބޭނެގޮތް ހަމަޖައްސައިދިނުން
7. ސިއްހީ ހިދުމަތް ފުޅާކޮށް ތަރައްގީކުރުން
