ރައީސް ސޯލިހް މިއަދު ރ އަތޮޅު އުނގޫފާރުގައި ވާހަކަފުޅު ދައްކަވަމުން ވިދާޅުވީ ދީނީ ގޮތުން ބަސްބުނުގެ ފުރުސަތާއެކު ނޫސްވެރިކަމުގެ މިނިވަންކަން ވެސް ދުވަހަކުވެސް ނުދޭ މިންވަރަށް މިދަރުގަ ދީފައިވާނެކަމަށެވެ.
އުނގޫފާރު ބަނދަރުމަތީ ކުރިޔަށްދިޔަ މިކެމްޕޭން ޖަލްސާގައި ރައީސް ސޯލިހް ވަނީ އެރަށަށް ނިސްބަތްވާ ދީނީ އިލްމުވެރިޔާ އަދި އުނގޫފާރު ދާއިރާގެ ކުރީގެ މަޖިލިސް މެންބަރު ޑރ. އަފްރާޝީމް އަލީ 2013 ވަނަ އަހަރުގެ ރިޔާސީ އިންތިހާބާ ދިމާކޮށް އަނިޔާވެރި ގޮތަކަށް މަރާލާފައިވާތީ ރަށުގެ ރައްޔިތުން އެކަމަށް ވިސްނުމަށް އެދިވަޑައިގެންފިއެވެ.
އޭރުގެ ހާލަތު ސިފަކޮށްދެއްވަމުން ރައީސް ސޯލިހް ވިދާޅުވީ، ދީނީ އިލްމުވެރިއެއް ވިޔަސް، ސިޔާސީ ލީޑަރެއް ވިޔަސް، ނޫސްވެރިއެއް ވިޔަސް، އެދުވަހު ކުރިމަތިލާން ޖެހިފައިވަނީ ބިރުވެރިކަމާއި ނާމާންކަމުގައި ކަމަށާއި، އަނިޔާވެރިކަން އޭރު ހައްދުފަހަނަ އަޅާފައިވާ ކަމަށެވެ.
މިގޮތުން ރައީސް ނަޝީދު ފަރެސްމާތޮޑާގައި ހުންނަވަނިކޮށް ހައްޔަރުކޮށް ދޫނިދޫއަށްލީ ކަމަށާއި ރާއްޖެ ޓީވީގައި ރޯކޮށްލީވެސް އެދުވަސްވަރު ކަމަށެވެ.
އުނގޫފާރަށް ރައީސް ސޯލިހް ވެލެއްވި ވައުދުތައް:
1. ހައުސިންގް ޕްރޮޖެކްޓެއް ކުރިޔަށް ގެންދިޔުން
2. ފުރިހަމަ ވަސީލަތްތަކާއެކު ސްކޫލަށް އައު އިމާރާތެއް އެޅުން
3. ފުޓްބޯޅަ ދަނޑުގައި ރޮސްޓްރޮމްއަކާއި ސިޑިބަރިއެއް އެޅުން
4. ހޮސްޕިޓަލަށް އެކަމަޑޭޝަން ބްލޮކެއް އެޅުން
