އުރީދޫން ބުނީ އައިފޯން 15 އަދި އައިފޯން 15 ޕްލަސް ފަރުމާކުރެވިފައިވަނީ ބާރުގަދަ 48 އެމްޕީގެ މެއިން ކެމެރާއަކާ x2 އިތުރު ޓެލެފޮޓޯ އޮޕްޝަނާއި އޭ16 ބަޔޮނިކް ޗިޕް އަދި ޔޫއެސްބީ-ސީ ޗާޖިންގް ޕޯޓް ހިމެނޭހެން ކަމަށެވެ. އައިފޯން 15 ޕްރޯ އަދި އައިފޯން 15 ޕްރޯ މެކްސްއަކީ އެޕަލްއިން މިހާތަނަށް ނެރުނު އެންމެ ލުއި ޕްރޯ މޮޑެލްތަކެއް ކަމަށް އުރީދޫން ބުނެއެވެ. އެ ކުންފުނިން ބުނެފައިވަނީ ވަރުގަދަ ނަމަވެސް ލުއި ޓައިޓޭނިއަމްއިން ފަރުމާކޮށްފައިވާ މި ފޯނުތަކުގައި ބޮޑެތި އަޕްގްރޭޑްތަކާ އެކު 48 މެގަޕިކްސެލްގެ މެއިން ކެމެރާ ސިސްޓަމްގެ އިތުރުން އޭ17 ޕްރޯ އަދި ޔޫއެސްބީ-ސީ ޗާޖިން ޕޯޓް ހިމެނޭ ކަމަަށެވެ.
އައިފޯންގެ މި އާ ލައިންއަޕްގެ ފޯނުތަކަށް ހުކުރު ވިލޭރެއިން ފެށިގެން މޫލީ މެދުވެރިކޮށް ޕްރީއޯޑަރު ކުރެވޭނެ ކަމަށް އުރީދޫން ބުނެއެވެ. އުރީދޫން ބުނި ގޮތުގައި ޕްރީ އޯޑަރު ކުރާ ކަސްޓަމަރުންނަށް މި މަހުގެ 29 ވަނަ ދުވަހު ފޯނު ހަވާލުކުރެވޭނެ ކަމުގައެވެ.
ޕްރީ އޯޑަރު ކުރާ ކަސްޓަމަރުންނަށް ހާއްސަ އަގެއްގައި އައިފޯން 15 ސީރީޒްގެ ފޯނުތައް މޫލީ މެދުވެރިކޮށް ލިބޭނެ ކަމަށް އުރީދޫން ބުނެއެވެ. އެ ކުންފުނިން ބުނީ ފޯނު ގަންނަ އުރީދޫ ނެޓްވޯކްގެ ކަސްޓަމަރުންނަށް ތިން މަސް ދުވަހުގެ މުއްދަތަކާ އެކު 100 ޖީބީ މޮބައިލް ޑޭޓާ މުޅިން ހިލޭ ލިބޭނެ ކަމަށެވެ. ފޯނު ޕްރީ އޯޑަރު ކުރާ ފަރާތްތަކުން "Bonus100GB" ކީވޯޑް ޖަހާފައި 5555 އަށް އެސްއެމްއެސް ކުރުމުން ބޯނަސް ޑޭޓާ ލިބޭނެ ކަމަށް އުރީދޫން ބުނެއެވެ.
އަގުގެ ތަފްސީލާއި އިތުރު މައުލޫމާތު ހޯދުމަށް އަދި ޕްރީއޯޑަރު ކުރުމަށް https://mool.ee/iPhone15 ޒިޔާރަތްކޮށްލާށެވެ.
