ސޯސަން ޖަގަހާގައި މިރޭ ވާހަކަފުޅު ދައްކަވަމުން ރައީސް ސޯލިހު ވިދާޅުވީ ދަފުތަރުގައި ތިބޭތާ 20 އަހަރުވީ މީހުންނާއި މާލޭގައި ދިރިއުޅޭތާ 20 އަހަރުވީ މީހުންނަށް ގޯތިދޭނެ އެއް ފަޅަކީ އުތުރުތިލަފަޅު ކަމަށެވެ.
ރައީސް ސޯލިހު ވިދާޅުވީ އުތުރުތިލަފަޅުގައި ދިވެހިން ދިރިއުޅޭނެ ކަމަށާއި، ބުރިޖުގެ މަސައްކަތް ނިމޭއިރު، އުތުރުތިލަފަޅު ވެސް ގުޅާލެވޭނެ ކަމަށެވެ.
ރައީސް ސޯލިހު ވިދާޅުވީ މާލޭގެ ރަށްވެހިންނަށް ބޯހިޔާވަހިކަން ކަށަވަރުކޮށްދޭނެ ކަމަށާއި، ތަފާތު ކުރުމެއް ނެތި ގޯއްޗާއި ފުލެޓު ދެއްވާނެ ކަމަށެވެ. ދަފުތަރުގައި ތިބޭތާ 20 އަހަރުވީ މީހުންނާއި މާލޭގައި ދިރިއުޅޭތާ 20 އަހަރުވީ މީހުންނަށް ގޯއްޗާއި ފުލެޓު ދިނުމަށް އާ ސްކީމެއް ތައާރަފުކޮށްފައިވާ އިރު އެ ސްކީމަށް ކުރިމަތިލާން މިރޭ ހުޅުވާލާނެ ކަމަށް ރައީސް ސޯލިހުވަނީ ވިދާޅުވެފައެވެ.
އިދިކޮޅު ފަރާތްތަކުން ދަނީ ތަރައްގީ ކުރަމުން ގެންދާ އުތުރުތިލަފަޅުގައި އިންޑިއާ ސިފައިން ގައިމުވެ ތިބޭ ކަމަށާއި އެތަނަށް ދިވެހި ސިފައިންގެ ބާރު ނުހިނގާ ކަމަށް ބުނެ ވާހަކަ ދައްކަމުންނެވެ.
