ޯއަލީ ނިޒާރު ޖަލްސާއެއްްގައި ވާހަކަދައްކަވަނީ -- ފޮޓޯ: އައްޑޫލައިވް
އައްޑޫ ކައުންސިލުން މުއިއްޒުއާއެކު ކުރިއަށް ދާން ތައްޔާރު
ގުފްތަގް އަޖީރު
04 އޮކްޓޯބަރ 2023 - 15:32:02
ނިމިދިޔަ ރިޔާސީ އިންތިހާބު ކާމިޔާބު ކުރެއްވި، ޕީއެންސީގެ ކެނޑިޑޭޑު ޑރ. މުހައްމަދު މުއިއްޒު އާއެކު ކުރިއަށް ދިއުމަށް ތައްޔަރަށް އޮތްކަމަށް އެމްޑީޕީގެ މެޖޯރިޓީ އޮންނަ އައްޑޫ ސިޓީ ކައުންސިލުން ބުނެފިއެވެ.
Advertisement
އެ ސިޓީގެ މޭޔަރު އަލީ ނިޒާރު ވިދާޅުވީ އައްޑޫ ސިޓީގެ ތަރައްގީއަށް މަސައްކަތް ކުރާނީ ސަރުކާރަށް ފުރިހަމައަށް އެއްބާރުލުން ދީގެން ކަމަށެވެ. އަދި އެ ޔަގީންކަން މުއިއްޒުއަށް އަރުވާފަ ވާނެކަމަށް ވެސް މޭޔަރު ވިދާޅުވިއެވެ.
"އައްޑޫ ސިޓީ ކައުންސިލް އިން ޑރ. މުހައްމަދު މުއިޒްގެ ޒައާމަތަށް ފުރިހަމަ އެއްބާރުލުން ދީގެން ސަރުކާރާއި ގުޅިގެން އައްޑޫގެ ތަރައްގީ އަށް މަސައްކަތް ކުރާނެ،"
ރިޔާސީ އިންތިހާބުގަ އެމްޑީޕީން މެޖޯރިޓީ ހޯދުނު މަދު އަތޮޅުތަކުގެ ތެރޭގަ އައްޑޫ ހިމެނެއެވެ. އައްޑޫ ސިޓީގެ ތިން ރަށަކުން ފުލް މެޖޯރިޓީ އެމްޑީޕީން ހޯދިއެވެ. އަދި އައްޑޫ ސިޓީކައުންސިލްގެ ތާރީހައް ބަލާލިއަށް އެ ކައުންސިލްގަ އެމްޑީޕީ މެޖޯރިޓީ އަބަދުވެސް އޮވެއެވެ.
އިންތިހާބުވެ ވަޑައިގެންފަހުން މުއިއްޒު އައްޑޫސިޓީއާ ގުޅޭގޮތުން އަދި ވާހަކައެއް ނުދައްކަވައެވެ. އެހެން ނަމަވެސް އައްޑޫ ސިޓީގަ ގިނަ ވަޒީފާތަކެއް އުފައްދަވައި، ފަތުރުވެރިކަމުގެ އެނގު އިތުރުކުރުމަށް ޑރ. މުއިއްޒު ވަނީ ވައުދުވެލައްވާފައެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
