އަކްރަމް ވިދާޅުވީ 40،904 ފޯމު ހުށަހަޅާފައިވާކަމަށެވެ. އަދި އެ ފޯމުތައް އިވަލުއޭޓުކުރަން އަވަސް އަރުވާލަން ބޭނުންނުވާކަމަށެވެ.
"މިހާ ގިނަބަޔަކު ފޯމު ހުށަހެޅުމުން އެނގެނީ ދިވެހި ރައްޔިތުން ބޯހިޔާވެހިކަމަށް ބޭނުންޖެހިފައި ހުރި މިންވަރު،" -އަކްރަމް-
އަކްރަމް ވިދާޅުވީ ދެވަނަ ބުރުގެ ގޯތި ދިނުމަށް ނިންމާފައިވާ އިތުރުތިލަފަޅު ވެސް އަދި ހިއްކާ ނުނިމޭކަމަށެވެ. އަދި ކުރީ ސަރުކާރު ގޮތައް ނުހިންކާ ތަންތަނުން ރައްޔިތުންނަށް ގޯތި ނުދޭނެކަމަށް ވެސް އަކްރަމް ވިދާޅުވިއެވެ.
އަކްރަމް މިހެން ވިދާޅުވެފައިވާއިރު، އިންތިހާބީ ރައީސް ޑރ. މުހައްމަދު މުއިއްޒުގެ ތަރުޖަމާން ފިރްޒުލް ވެސް ވިދާޅުވެފައިވަނީ ދެ ވަނަ ބުރުގަ ގޯއްޗަށް ކުރިމަތިލި މީހުންނާމެދު އަދި ގޮތެއް ނުނިންމާކަމަށެވެ. އަދި އެ މައްސަލައާމެދު މަޝްވަރާކުރަމުން އަންނަކަމަށެވެ.
ރިޔާސީ އިންތިހާބުގެ ދެ ވަނަ ބުރަށް އެންމެ ހަފްތާއަކަށް ވެފައިވަނިކޮށް ގޯތި ދޫކުރަން ހުޅުވާލުމުން ރައީސް ސޯލިހާއި ސަރުކާރަށް ބޮޑެތި ފާޑުކިއުންތަކެއް ވެސް އަމާޒުވިއެވެ.
