މިގޮތުން އަމީތާބް ވަނީ އިންޑިއާއި ސިރީލަންކާ ބައްދަލުކުރި ކުރިކެޓް މެޗުން އިންޑިއާ ހޯދި ކާމިޔާބީ ފާހަގަކޮށް އޭނާގެ އިންސްޓަގުރާމުގައި ޕޯސްޓެއްކޮށްފައެވެ.
މި ޕޯސްޓާއެކު ގިނަބައެއްގެ ސުވާލު އުފެދުނީ މިމަހު 1 ވަނަ ދުވަހަކީ އައިޝްވާރިއާގެ އުފަންދުވަސްކަމަށް ވާއިރު، އަމީތާބު އޭނާގެ ދަނބި ދަރިއަށް އުފަން ދުވަހުގެ ތަހުނިޔާ ނުކީ ކީއްވެތޯ؟ އެވެ.
މި ސުވާލަށް އަމީތާބު ޖަވާބެއް ނުދެއެވެ. ނަމަވެސް އަމީތާބާއި އައިޝްވާރިއާގެ ފޭނުން އަންނަނީ ހުއްޓުމެއްނެތި އެ ސުވާލުތައް އަމީތާބުގެ ޕޯސްޓުގެ ކޮމެންޓުތައް އޮއްސާލަމުންނެވެ.
އައިޝްވާރިއާއަށް މިއަހަރު ވަނީ 50 އަހަރު ފުރިފައެވެ. މީގެ ދުވަސްކޮޅޭއް ކުރިން އައިޝްވާރިއާއި، އޭނާގެ ފިރިމީހާ އަބީޝޭކް އާއި ދެމެދު މައްސަލަތަކެއް ޖެހުނުކަމަށް ވެސް އަޑު ފެތުރުނެވެ. ނަމަވެސް ދެ ފަރާތުންވެސް އެކަން ކަށަވަރުކޮށްދީފައެއް ނުވެއެވެ.
