ފެޝަން ޑިޒައިނަރު މަނީޝް މަލޯތްރާ ވަނީ އިންޑިއާގެ ދިވާލީ ފެސްޓިވަލާއި ގުޅުވައިގެން ބޭއްވި ޕާޓީއަކަށް ގިނަބަޔަކަށް ދައުވަތު ދީފައެވެ.
އެ ފެސްޓިވަލަށް އަނެއްކާވެސް އައިޝްވާރިއާ ދިޔާއީ އެކަންޏެވެ. މިހެންކަމުން ގިނަބަޔަކު އަންނަނީ އައިޝްވާރިއާއި އަބީޝޭކްގެ ގުޅުމާމެދު ސުވާލު އުފައްދަމުންނެވެ.
އައިޝްވާރިޔާ އެކަނި މި ޕާޓީއަށް ދިޔައިރު އޭނާގެ ކުރީގެ ލޯބިވެރިއާ ސަލްމާން ހާން ވެސް ވަނީ މި ޕާޓީގައި ބައިވެރިވެފައެވެ.
މިދިޔަ އަހަރުވެސް މި ފެސްޓިވަލާ ގުޅިގެން އޮތް ޕާޓީއަށް އައިޝްވާރިއާ ދިޔައީ އެކަންޏެެވެ. އުޒުރެއްގެ ގޮތުގައި ދެއްކީ އަބީޝޭކް ރަށުން ބޭރުގައި އުޅޭކަމެވެ.
މީގެ އިތުރުން މި ނޮވެންބަރު މަހުގެ 1 ވަނަ ދުވަހަކީ އައިޝްވާރިއާގެ 50 ވަނަ އުފަން ދުވަހެވެ. ނަމަވެސް އޭނާއަށް އުފަން ދުވަހުގެ ތަހުނިޔާވެސް އެނާގެ ބަފައިބެ އަމީތާބް ބަޗަން ކިޔާފައެއް ނުވެއެވެ. އެކަމާވެސް ފޭނުން އަންނަނީ ސުވާލު އުފައްދަމުންނެވެ.
ސިއްރުކުރަން އުޅުނު ނަމަވެސް، އައިޝްވާރިއާއި އަބީޝޭގެ އަދި އަބީޝޭކްގެ އައިލާއާއި އޮތް ގުޅުން ވަނީ ވަރަށް ބޮޑަށް ގޯސްވެފައިކަމާމެދު ޝެއްކެއްނެތެވެ.
