އިންތިހާބީ ރައީސުލްޖުމްހޫރިއްޔާގެ ތަރުޖަމާނު ފިރުޒުލް އަބްދުﷲ ވިދާޅުވީ މި ފައިސާ ހަމަޖައްސެވީ ޔޫއޭއީއަށް ކުރެއްވި ނުރަސްމީ ދަތުރުފުޅުގެ ހަވާސާގައިކަމަށެވެ.
ވެލާނާ އިންޓަނޭޝަނަލް އެއާޕޯޓު ތަރައްގީކުރުމުގެ މަޝްރޫއަކީ ރައީސް އަބްދުﷲ ޔާމިންގެ ވެރިކަމުގައި ފެއްޓެވި މަޝްރޫއެކެވެ.
ޔޫއޭއިން ހަމަޖައްސައިދިން ފައިސާއިން އެއާޕޯޓު މަޝްރޫ އެއްކޮށް ނިންމާލެވޭނެކަމަށްވެސް އިންތިހާބީ ރައީސުލްޖުމްހޫރިއްޔާގެ އޮފީހުން ބުނެއެވެ.
ޔޫއޭއީ އަށް ކުރެއްވި ދަތުރަށް ފަހު މުއިއްޒު މާލެ ވަޑައިގިތީ ރޭއެވެ.
އެ ދަތުރުގެ ހުރިހާ ހަރަދެއް ބެލެހެއްޓީ ޔޫއޭއީ ގެ ޝާހީ އާއިލާއިންކަމަށް ވެސް ޑރ. މުއިއްޒުގެ ތަރުޖަމާނު ވަނީ ވިދާޅުވެފައެވެ.
އިންތިހާބީ ރައީސް، ޔޫއޭއީ އަށް ކުރެއްވީ އަމިއްލަފުޅު ދަތުރެކެވެ.
ރޭގެ ވަގުތެއްގައި މުއިއްޒު މާލެ ވަޑައިގަންނަވާފައިވާކަމަށް ފިރުޒުލް ވިދާޅުވިއެވެ.
މުއިއްޒު ވަނީ ދާދި ފަހުން ސިންގަޕޫރަށްވެސް ދަތުރުފުޅެއް ކުރައްވައިފައެވެ.
