މިކޮމެޓީގެ ޗެއާގެ މަގާމުގެ މުއްދަތު ހަމަވާނީ 2025 ގެ ނިޔަލަށެވެ. ނަމަވެސް އަންނަ އަހަރުގެ މާޗު މަހުގެ ތެރޭގައި ރައްޔިތުންގެ މަޖިލީހުގެ އިންތިހާބު އޮންނާނެއެވެ. އަދި މަޖިލީހުގައި މިހާރު ތިއްބެވި މެންބަރުގެ ދައުރު ހަމަވާނީ އަންނަ އަހަރުގެ މޭ މަހަށެވެ.
ޖީހާން މިހާރުވެސް ގެންދަވަނީ ރާއްޖޭގެ ރައްޔިތުންގެ މަޖިލީހުގެ ހިއުމަންރައިޓްސް އެންޑް ޖެންޑާ ކޮމެޓީގެ ޗެއާކަން ކުރައްވަމުންނެވެ.
ރައްޔިތުންގެ މަޖިލީހުގެ އިންތިޖާބީ ދާއިރާތައް ކަނޑައެޅުމާބެހޭ ޤާނޫނު ގެ 8 ވަނަ މާއްދާ ގެ ދަށުން ދިވެހިރާއްޖޭގެ ކޮންމެ އިދާރީ ދާއިރާއަކަށްވާ ރައްޔިތުންގެ މަޖިލީހުގެ ޖުމްލަ މެންބަރުންގެ އަދަދު 93 އަށް ވަނީ ބަދަލުކޮށްފައެވެ.
އިލެކްޝަންސް ކޮމިޝަނުން ހާމަކޮށްފައިވާ ގޮތުގައި އިތުރުވި ދާއިރާތަކާއި އެކު އެކުލަވާލާ ފައިނަލް ރިޕޯޓް މިއަހަރުގެ ޑިސެމްބަރު މަހު ނެރޭނެކަމަށެވެ.
ރައްޔިތުންގެ މަޖިލީހުގެ ދާއިރާތައް ކަނޑައެޅިގެންދަނީ، އާބާދީގެ ނިސްބަތަށް ބަލައި، އަންނަ ބަދަލުތަކުގެ މައްޗަށެވެ. ގާނޫނު އަސާސީގައި ކޮންމެ 5،000 މީހުން ހިމެނޭ ނަމަ އެދާއިރާއަކަށް ވަކި މެމްބަރެއް އިންތިހާބު ކުރެއްވުމަށް ވަނީ ކަނޑައަޅުއްވާފައެވެ.
އިލެކްޝަންސް ކޮމިޝަންގެ ނައިބް ރައީސް އިސްމާއިލް ހަބީބް ވިދާޅުވީ، ރިޔާސީ އިންތިހާބުގެ މަސައްކަތް ކުރައްވަމުންދާއިރު، ކުރިއަށް އޮތް 2024 ވަނަ އަހަރުގެ މަޖިލިސް އިންތިހާބުގެ މަސައްކަތްތައްވެސް ކޮމިޝަނުން ކުރަމުންދާކަމަށެވެ.
އިންތިހާބުތަކާއި ބެހޭ ޢާންމު ގާނޫނުގައި މިހާރު އޮތް ގޮތުން ރައްޔިތުންގެ މަޖިލީހުގެ އުމުރު ހަމަވުމުގެ 10 މަސް ދުވަހުގެ ކުރިން، ކުރިއަށް އޮތް ދައުރަށް މަޖިލީހަށް އިތުރުވާ ދާއިރާތަކާއި، އާބާދީގެ ނިސްބަތް އިލެކްޝަންސް ކޮމިޝަނުން ހާމަ ކުރައްވަން ޖެހެއެވެ. ކޮމިޝަންގެ ނައިބް ރައީސް ހަބީބް ވިދާޅުވީ މި މަސައްކަތް މިއަހަރުގެ ފެބްރުއަރީ މަހުން ފެށިގެން ކުރައްވަމުންދާކަމަށެވެ.
2024 ވަނަ އަހަރުގެ ރައްޔިތުންގެ މަޖިލީހަށް 6 ގޮނޑި އިތުރުވޭ:
މާލޭ ސިޓީ އަށް 2 ގޮނޑި،
އައްޑޫ ސިޓީ އަށް 1 ގޮނޑި،
މާޅޮސްމަޑުލު ދެކުނުބުރިއަށް 1 ގޮނޑި،
މާލެއަތޮޅަށް 1 ގޮނޑި،
އަދި ހުވަދުއަތޮޅު އުތުރުބުރިއަށް 1 ގޮނޑި
މިހާރު އޮތް ރައްޔިތުންގެ މަޖިލީހުގެ ދައުރު ހަމަވާނީ އަންނަ އަހަރުގެ މޭމަހުގެ 30 އަށެވެ. ރައްޔިތުންގެ މަޖިލީހަށް ދައުރަކަށްފަހު ދައުރެއްގައި މެމްބަރުން އިތުރުވުމަކީ ގިނަ ބައެއްގެ ކަންބޮޑުވުން އޮތް މައްސަލައެކެވެ. މަޖިލީހުގައި މިހާރު 87 މެމްބަރުން ތިއްބަވައެވެ.
