މަޖިލިހުގެ ނައިބު ރައީސް އީވާ އަބްދުﷲ ގެ އިތުރުން މަޖިލީހުގެ ރިޔާސަތު ބެލެހެއްޓޭ މެންބަރުންގެ ތެރޭގައި ހިމެނިވަޑައިގަންނަވާ ވިލިފުށީ ދާއިރާގެ މެންބަރު ހަސަން އަފީފް ނިސްބަތްވެ ވަޑައިގަންނަވަނީ ދަ ޑިމޮކްރެޓްސް އަށެވެ.
މަސްލަހަތު ފުށުއަރާ ކަމަށް ވިދާޅުވެ، މަޖިލީހުގެ އިމްތިޔާޒާއި ސުލޫކީ ކޮމިޓީން އެ މެންބަރުންނަށް ރިޔާސަތު ނުބެލެހެއްޓޭ ގޮތަށް ކަނޑައަޅައިދިނުމަށް އެދިވަޑައިގަތީ ދިއްގަރު ދާއިރާގެ މެންބަރު އިކްރާމް އަބްދުﷲ އެވެ.
އިކްރާމްގެ އެ ހުށަހެޅުއްވުމާ އެކު މާފަންނު ދެކުނު ދާއިރާގެ މެންބަރު އާދަމް އަލީ ވިދާޅުވެފައި ވަނީ އެ ހުށަހެޅުމަކީ އެ ކޮމިޓީއަށް ނިންމޭނެ ކަމެއް ނޫން ކަމަށެވެ. އީވާ އާއި އަފީފްވެސް މަޖިލިހުގެ އިމްތިޔާޒަށް އަރައިގެންފައިވާ ކަމަށް ފާސްކޮށްފައިވާތީ އެގޮތަށް އެދި އާންމު ކޮމިޓީއަށް ފޮނުވޭނެ ކަމަށް އޭނާ ވިދާޅުވި އެވެ.
އިކްރާމްގެ އެ ހުށަހެޅުން އިމްތިޔާޒާއި ސުލޫކީ ކޮމިޓީގެ އިއްތިފާގުން ވަނީ ފާސްކޮށްފަ އެވެ. އެ ކޮމިޓީގެ މުގައްރިރު، މަކުނުދޫ ދާއިރާގެ މެންބަރު މުހައްމަދު ރާއީ ވިދާޅުވި ގޮތުގައި އެ އެގޮތަށް އާންމު ކޮމިޓީއަށް ފޮނުވާނެ ކަމުގަ އެވެ.
