ޝިޔާމް ވިދާޅުވީ މިސަރުކާރުން ވެރިކަމާއި ހަވާލުވި އިރު މަސްވެރިންނަށް ފައިސާ ދޫނުކުރާތާ ދެމަސް ވެފައިވާކަމަށެވެ.
ޕީއެސްއެމްގެ ޕްރޮގްރާމެއްގައި ވާހަކަދައްކަވަމުން ޝިޔާމް ވިދާޅުވީ ސަރުކާރުން މަސައްކަތް ކުރަމުން އަންނަނީ މަސްވެރިންނަށް ނުދެވި ހުރި ފައިސާ އަވަހަށް ދީ ނިންމުމަށް ކަމަށެެވެ.
މިދިޔަ ސެޕްޓެމްބަރު މަހު ކުރީގެ ރައީސް އިބްރާހީމް މުހައްމަދު ސޯލިހް ވަނީ ރިޔަސީ އިންތިހާބާ ދިމާކޮށް މަސް ކިލޯއެއްގެ އަގު 17 ރުފިޔާއިން 25 ރުފިޔާއަށް ބޮޑުކޮށްފަ އެވެ.
ޝިޔާމް ވިދާޅުވީ މަސްވެރިންނަށް ދޭންޖެހޭ ފައިސާ ނުދެވިހުރި މައިގަނޑު ސަބަބަކީ މަހުގެ އަގު ކުރީގެ ސަރުކާރުން ބޮޑުކުރުން ކަމަށެވެ.
އެ އަގުގައި މަސް ގަންނަމުން ދިޔުމުން މަސްވެރިކަމުގެ ސިނާޔަތުގައި ހަރާކާތްތެރިވަމުން އަންނަ އަމިއްލަ ކުންފުނިތަކަށް ވެސް ބޮޑެތި ގޮންޖެހުންތަކެއް ކުރިމަތިވަމުންދާކަމަށް ޝިޔާމް ވިދާޅުވި އެވެ.
