ads
ރައީސް ޑރ. މުއިއްޒު ޗައިނާގެ ފަސްޓް ވައިސް ޕްރިމިއަ އާ ބައްދަލުކުރެއްވުން - ފޮޓޯ:ރައީސް އޮފީސް
ރައީސް ޑރ. މުއިއްޒު، ޗައިނާގެ ފަސްޓް ވައިސް ޕްރިމިއަ އާ ބައްދަލުކުރައްވައިފި
ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ކޮޕް-28 ކޮންފަރެންސްގައި ޗައިނާއިން ބައިވެރިވި މަތީ ފެންވަރުގެ ވަފުދުގެ އިސްވެރިޔާ، ޗައިނާގެ ފަސްޓް ވައިސް ޕްރިމިއަ ޑިންގް ޝުއެޝިއެންގް އާ މިއަދު ބައްދަލުކުރައްވައިފި އެވެ.
Advertisement

ރައީސް އޮފީހުން ބުނީ ޔުނައިޓެޑް އެރެބް އެމިރޭޓްސް (ޔޫއޭއީ) ގެ ދުބާއީގައި ކުރިއަށްދާ ކޮޕް-28 ކޮންފަރެންސްގެ ހަވާސާގައި ކުރިއަށް ދިޔަ މި ބައްދަލުކުރެއްވުމުގައި ރައީސް ޑރ. މުއިއްޒު ވަނީ ދިވެހިރާއްޖެ އާއި ޗައިނާ އާ ދެމެދު އޮތް ގުޅުން އިތުރަށް ބަދަހިވުމަށް އެދިވަޑައިގަންނަވާ ކަމުގައި ވިދާޅުވެފައި ކަމަށެވެ.

ޗައިނާއަކީ ރާއްޖޭގެ ތަރައްގީގެ އެންމެ މުހިންމު އެއް ބައިވެރިޔާކަން ފާހަގަކުރައްވައި، ރާއްޖޭގެ ތަރައްގީ އާއި ކުރިއެރުމަށް އެ ގައުމުން ވެދެއްވަމުން ގެންދަވާ އެހީތެރިކަން ކުރިމަގުގައި އިތުރު ވެގެން ދާނެ ކަމަށް އުންމީދު ކުރައްވާ ކަމުގައި މި ބައްދަލުކުރެއްވުމުގައި ރައީސް ވިދާޅުވި ކަމަށް ރައީސް އޮފީހުން ބުނެ އެވެ.

ރައީސް އޮފީހުން ބުނެފައި ވަނީ ޗައިނާގެ ފަސްޓް ވައިސް ޕްރިމިއަ ޑިންގް ޝުއެޝިއެންގް މި ބައްދަލުކުރެއްވުމުގައި ދެއްކެވި ވާހަކަފުޅުގައި ރިޔާސީ އާ ދައުރު ފެއްޓެވުމުގެ މުނާސަބަތުގައި ރައީސް ޑރ. މުއިއްޒަށް މަރުހަބާ ވިދާޅުވި ކަމަށެވެ. އަދި ޗައިނާއިން އަބަދުވެސް ދިވެހިރާއްޖެ އާއެކު ބަދަހި ގުޅުމެއް ބާއްވަވާނެކަމުގެ ޔަގީންކަން ދެއްވި ކަމަށް އެ އޮފީހުން ބުނެ އެވެ.

ރައީސް އޮފީހުން ބުނި ގޮތުގައި ރާއްޖޭގެ ތަރައްގީ އާއި ކުރިއެރުމަށްޓަކައި އެކި ދާއިރާތަކުން ދެއްވަމުން ގެންދަވާ އެހީތެރިކަމާއި އެއްބާރުލެއްވުން ޗައިނާއިން ދަމަހައްޓާނެ ކަމަށް ވިދާޅުވެ، ރައީސް ޑރ. މުއިއްޒުގެ ޒައާމަތުގައި ރާއްޖެ އާއި ޗައިނާގެ ގުޅުން އިތުރަށް ބަދަހިވުމަށް އުންމީދުކުރައްވާ ކަމުގައި ވެސް އެމަނިކުފާނު ވިދާޅުވި ކަމުގަ އެވެ.

0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް