ރައީސް އޮފީހުގެ މިނިސްޓަރު އަލީ އާރިފު ސޮއިކުރައްވާ މާލެ ސަރަހައްދުގައި ހުރި ސަރުކާރު ހޮސްޕިޓަލްތަކަށް ފޮނުއްވި ސިޓީއެއްގައި ބުނެފައިވަނީ އެ ހޮސްޕިޓަލްތައް ހިންގުމަށް އާ ބޯޑެއް އެކުލަވާލައްވާފައިވާ ކަމަށެވެ.
އަލަށް އުފައްދާފައިވާ ބޯޑު ގެ ނަން، "މާލެ ހޮސްޕިޓަލްސް ބޯޑު އޮފް ޓްރަސްޓީސް" އިން "މާލެ ސިޓީ ގްރޫޕް އޮފް ހޮސްޕިޓަލްސްގެ ގަވާނިން ބޯޑު"ގެ ނަމަށް ވަނީ ބަދަލުކޮށްފައި އެވެ.
މާލެ ސަރަހައްދުގެ ހޮސްޕިޓަލްތަކުގެ ތެރޭގައި ހިމެނެނީ ދަރުމަވަންތަ ހޮސްޕިޓަލް، އައިޖީއެމްއެޗް، ހުޅުމާލެ ހޮސްޕިޓަލް އަދި ވިލިމާލެ ހޮސްޕިޓަލެވެ.
ބޯޑުގެ ޗެއާމަނަކަށް ހަމަޖައްސަވާފައިވަނީ މީގެ ކުރިން ވެސް އެ މަގާމުގައި ހުންނެވި މަޝްހޫރު އެތެރެ ހަށީގެ ޑޮކްޓަރު ޑރ. އަބްދުލް އަޒީޒް ޔޫސުފް އެވެ. ވައިސް ޗެއާމަނަކަށް ހަމަޖައްސަވާފައިވަނީ ގދ. ތިނަދޫ، ކުންނާރުގެ، ހުސެއިން ހަލީމެވެ.
މާލެ ސިޓީ ގްރޫޕް އޮފް ހޮސްޕިޓަލްސްގެ ގަވާނިން ބޯޑުގައި އިތުރު ހަތް ބޭފުޅަކުވެސް ހިމެނެ އެވެ. އެއީ:
- ޑރ. އިބްރާހިމް ޔާސިރު އަހުމަދު، މއ. ވެނީލާގެ - ސިއްހީ ދާއިރާގެ ޑޮކްޓަރެއް
- ނަޔާޒު އަހުމަދު، ޅ. ހިންނަވަރު، ނޯތުވޭ - ޕްރައިމަރީ ހެލްތު ކެއާގެ ދާއިރާ ތަޖުރިބާކާރެއް
- ޑރ. މަރިޔަމް ޖެނީފާ ސ. ފޭދޫ، އޭޑީރީޑް - ޕަބްލިކް ހެލްތު ދާއިރާގެ ތަޖުރިކާބާރެއް
- ޝަރީފާ އާދަމް މަނިކު، ހ. އޮށްކަފަގެ - ސިއްހީ ދާއިރާގެ ފަންނީ ތަޖުރިބާކާރެއް
- ފާތިމަތު އާފިޔާ ވަހީދު، ދަފްތަރު، 13524 - ނާސިންގެ ދާއިރާ
- މޫސާ ކަލީމް ގާސިމް، އދ. މަހިބަދޫ، ރިހާޞު - ހުޅުމާލެ ހޮސްޕިޓަލްގެ އިސް މުވައްޒަފެއް
- އާލިމް ޝަކީލް، އއ. ފެރިދޫ، ސިޔާމާ މަންޒިލް - ވިލިމާލެ ހޮސްޕިޓަލްގެ އިސް މުވައްޒަފެއް
