ޓޯޓަލް ފިޓްނެސް ގުރޫޕް (ޓީއެފްޖީ) އިން އިންތިޒާމް ކޮށްގެން ކުރިއަށް ގެންދާ ''ދަ މޯލްޑިވްސް ލޯންގް ރަން 2023'' ފެށުމަށް ހަމަ ޖެހިފައިވަނީ މިރޭ މެންދަމުގެ ވަގުތެއްގަ އެވެ. އާބަންކޯއިން ބުނީ މި ރޭސް ކުރިއަށް ބޭއްވުމަށް ހަމަޖެހިފައި ވަނީ ހުޅުމާލޭގެ މަގުތަކުގައި ކަމަށެވެ.
މި ރޭހުގެ ދުވުންތައް ވަނީ އެކި ކެޓަގަރީތަކަށް ބަހާލާފަ އެވެ. އެގޮތުން ފަސް ކިލޯމީޓަރާއި 10 ކިލޯމީޓަރާ އަދި ހާފް މެރެތަން ހިމެނެ އެވެ. މެރަތަން ރޭސް ފެށުމަށް ހަމަޖެހިފައިވަނީ މި ރޭ މެންދަމު 2:00 ގަ އެވެ. ހާފް މެރެތަން ރޭސް ފެށޭނީ ފަތިހު 5:00 ގަ އެވެ. އަދި 10 ކިލޯމީޓަރުގެ ރޭސް ފަށަން ނިންމާފައި ވަނީ ހެނދުނު 6:00 ގަ އެވެ. އޭގެ އިތުރުން ހެނދުނު 7:00 ގައި ފަސް ކިލޯމީޓުގެ ރޭސް ފަށާނެ އެވެ. ހުރިހާ ރޭހެއްވެސް ފެށުމަށް ހަމަޖެހިފައިވަނީ ހުޅުމާލޭ ސެންޓްރަލް ޕާކު ސަރަހައްދުން ކަމަށް އާބަންކޯއިން ބުނެ އެވެ.
ޓީއެފްޖީން ބުނެފައި ވަނީ "ދަ މޯލްޑިވްސް ލޯންގް ރަން'' ގައި ބައިވެރިވުމަށް ފުރުސަތު ހުޅުވާލިތާ ކުޑަ ވަގުތުކޮޅެއްގެ ތެޜޭގައި 1،500 ބައިވެރިން ޝައުގުވެރިކަން ހާމަކޮށް ރަންގައި ބައިވެރިވެފައިވާ ކަމަށެވެ. މިއީ މި އިވެންޓަށް އާންމުންގެ ތަރުހީބު އޮތް މިންވަރު ހާމަކޮށްދޭ ކަމެއް ކަމަށް ޓީއެފްޖީން ބުނެ އެވެ.
ރޭސް އިންތިޒާމް ކުރާ ޓީއެފްޖީން ވަނީ ކެންސަރު ބައްޔަށް މީހުން ހޭލުންތެރި ކުރުމަށާއި ކެންސަރަށް ފަރުވާ ކުރަމުންދާ ފަރާތްތަކަށް އެހީތެރިވުމުގެ ގޮތުން މި ރޭހުގައި ބައިވެރިންގެ ރެޖިސްޓޭޝަން ފީން ވަކި އިންސައްތައެއް ކެއާ ސޮސައިޓީއަށް ހަދިޔާކުރުމަށް ނިންމާފަ އެވެ.
މިހާ ގިނަ އަދަދެއްގެ ބައިވެރިންނާ އެކު މި ރަން ކާމިޔާބުކަމާ އެކު ކުރިއަށް ގެންދެވޭނީ ގިނަ ފަރާތްތަކެއްގެ އެހީ އާ އެއްބާރުލުމާއި އެކީގައިކަން ޓީއެފްޖީން ފާހަގަކުރެ އެވެ.
އެގޮތުން ރޭސް ކުރިއަށް ގެންދިއުމަށް ވެނިއު ޕާޓްނަރެއްގެ ހައިސިއްޔަތުން އާބަންކޯއިން ދަނީ ރޭސް އިންތިޒާމްކުރާ ފަރާތަށް އެހީތެރިކަން ފޯރުކޮށްދެމުންނެވެ. ހުޅުމާލޭގައި ކުރިއަށް ގެންދާ މިފަދަ ހުރިހާ ހަރަކާތެއްގައި އާބަންކޯގެ ސީއެސްއާރުން ފުރިހަމަ އެއްބާރުލުންދީ، އެހީތެރިކަން ފޯރުކޮށްދެމުން ގެންދެ އެވެ.
