ޟަމީރު، އެ ދާއިރާއަކަށް އުފަން އުޅެބޮޑުވި ދާއިރާ ކަމަށްވާ މައްޗަންގޮޅި މެދުދާއިރާއިން 2024 މަޖިލީހުގެ ޕީޕީއެމް/ޕީއެންސީ ޕުރައިމަރީގައި ވާދަކުރުމަށް ފޯމް ހުށަހެޅި މިމަހުގެ ހަތް ވަނަ ދުވަހު އެވެ. މިހާރު އޭނާ މާލޭ ސިޓީ ކައުންސިލުގައި ވެސް އޭނާ ތަމްސީލް ކުރައްވަނީ މައްޗަންގޮޅި މެދުދާއިރާ އެވެ.
"ރައީސުލްޖުމްހޫރިއްޔާ ޑރ. މުއިއްޒުގެ ވައުދުތަކާ މެނިފެސްޓޯ ރައްޔިތުންގެ އިހްސާސްތަކާއެކު ތަންފީޒު ކުރުމަށް ޑރ.މުއިއްޒުގެ ވެރިކަން ދެމެހެއްޓުމަށް ކުރަންޖެހުނު ކޮންމެ މަސައްކަތެއް ފަސްނުޖެހި ކުރާނަން. ވަކި ކުލައަކަށް ފިކުރަކަށް ގިންތިއަކަށް ބެލުމެއް ނެތި އެހީތެރިކަން ފޯރުކޮށް ދިނިން އަދި ދެމުން މިއަންނަނީ ވެސް. ކައުންސިލްތެރެއިން ރައްޔިތުއްނާ ގުޅުން ހުރި ކަންކަމުގަ އާއި ޑރ. މުއިއްޒުގެ މޭޔަރުކަމުގައި ހުންނެވި އިރު އެމަނކިފާނުގެ ސްޓްރެޓެޖިކް އެކްސަން ޕުލޭން ތަންފީޒު ކުރުމުގައި އެންމެގާތުން އެއްބާރުލުން ވެސް ދިނިން. ކުރިއަށް އޮތްތާނގައި ވެސް އޮތީ ޑރ.މުއިއްޒުގެ ވެރިކަން ދެމެހެއްޓުމަށް ކުރަންޖެހުނު ކޮންމެ މަސައްކަތެއް ފަސްނުޖެހި ކުރުން،" ޟަމީރު ވިދާޅުވި އެވެ.
ޟަމީރު ފާހަގަވެފައިވަނީ ކުލަޔަކަށް ފިކުރަކަށް ގިންތިއަކަށް ބެލުމެއްނެތި އެންމެނާ ގުޅޭ އަޑުއަހާ އެހީތެރިކަން ފޯރުކޮށް ދީ، އަދި ކޮށް ދެމުން އަންނަ ނަމޫނާ ބޭފުޅެއްގެގޮތުގަ އެވެ.
