އާޒިމާއި އެކު ނަގާފައިވާ ފޮޓޯއެއް އެކްސްގައި އާއްމުކުރައްވަމުން ފައިސަލް ނަސީމް ވިދާޅުވީ އާޒިމަކީ މާލޭގެ މޭޔަރަށް އެންމެ ފުރިހަމަ ޗޮއިސްކަމަށެވެ. ސަބަބެއްކަމަށް ވިދާޅުވީ އާޒިމްގެ ތަޖުރިބާއާއި ނަޒާހަތްތެރިކަމާއި މަސައްކަތަށްދޭ ސަމާލުކަމެވެ. އަދި ހެޔޮ ބަދަލަކަށް އާޒިމަށް ވޯޓްދޭން ފައިސަލް ނަސީމްވަނީ ވިދާޅުވެފައެވެ.
މާލޭ ސިޓީގެ ކައުންސިލްގެ މޭޔަރުކަމަށް 5 ކެންޑިޑޭޓުން ވާދަކުރެއެވެ. އެއީ އަމިއްލަ ގޮތުން ވާދަކުރާ ޝުއައިބު އަލީ (ފުރަހަނި ޝުއައިބް) އާއި ކުރީގެ ރައީސް އަބްދުﷲ ޔާމީން ތާޢިދާއެކު އަމިއްލަ ގޮތުން ވާދަކުރާ ހުސެއިން ވަހީދާއި ޕީޕީއެމް / ޕީއެންސީ ކޯލިޝަނުން އައިޝަތު އާޒިމާ ޝަކޫރާއި އެމްޑީޕީގެ ފަރާތުން އާދަމް އާޒިމްގެ އިތުރުން ދަ ޑިމޮކްރެޓްސްގެ ފަރާތުން މުހައްމަދު ސައިފު ފާތިހު އެވެ.
މާލޭ ސިޓީ މޭޔަރުކަމަށް ވާދަކުރާ ކެންޑިޑޭޓުން
މޭޔަރު ހޮވުމަށް ބާއްވާ އިންތިހާބު އޮންނާނީ އަންނަމަހުގެ 13 ވަނަދުވަހުއެވެ. ސަރުކާރުގެ އިސް މަގާމުތަކަށް މެމްބަރުން ދިޔުމުން މާލޭ ސިޓީ ކައުންސިލުން ހުސްވެފައިވާ
މާފަންނު ދެކުނު ދާއިރާ، މެދު ހެންވޭރު ދާއިރާ، ހެންވޭރު ދެކުނު ދާއިރާ މެމްބަރުން ހޮވުންވެސް އެދުވަހު އޮންނާނެއެވެ.
