މެޓް އިން މާދަމާގެ 6 ޖެހުމާ ހަމަޔަށް ލަފާކޮށްފައިވާ މޫސުމަށް ބަލާއިރު، އުތުރާއި، މެދުރާއްޖެތެރޭގެ ރާޅުގެ އުސްމިން ތިން ފޫޓާއި ހަތް ފޫޓުގައި އުޅޭއިރު، ދެކުނު އަތޮޅުތަކަށް ރާޅުގެ އުސްމިން އުޅެނީ ދެ ފޫޓާއި ފަސް ފޫޓުގައެވެ.

ވިލާގަނޑުގައި ހުރިހާ ހިސާބެއްގެ ކަނޑުތައް ގަދަވެފައި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށްވެސް މެޓުން ވަނީ ލަފާކޮށްފައެވެ. އެގޮތުން އުތުރުގެ އަތޮޅުތަކަށް ގާތްގަނޑަކަށް ގަޑިއަކު 13 މޭލާ 23 މޭލާ ދެމެދުގެ ބާރުމިނުގައި، އަދި މެދުރާއްޖެ ތެރެއަށް 8 މޭލާ 18 މޭލާ ދެމެދުގެ ބާރުމިނުގައި ވައިޖެހޭނެ ކަމަށް މެޓުން ލަފާކުރެ އެވެ.

މެޓުން ބުނީ ރާއްޖޭގެ ހުރިހާ ހިސާބަކަށް ވެސް ވިއްސާރަކުރުމާއިއެކު ގުގުރާނެ ކަމަށާއި، ބައެއް ރަށްތަކަށް ބޯކޮށް ވާރޭ ވެހުންވެސް އެކަށީގެންވާ ކަމަށެވެ.

ބޯކޮށް ވާރެވެހުމާއިއެކު ގުގުރުން އަދި 40 މޭލަށް ވައިގަދަވާނެ ކަމަށް ލަފާކޮށް ނ. އަތޮޅުން ފެށިގެން ވ. އަތޮޅަށް މިއަދު ވަނީ ވައިޓު އެލާޓު ވެސް ނެރެފަ އެވެ.