Advertisement

ދުބާއީ މެރަތަންގައި ކުޅުދުއްފުށިން ބައިވެރިވި ޓީމުގެ ހުރިހާ މެންބަރުންވެސް އެ މެންބަރަކު ބައިވެރިވި ކެޓަގަރީން ރޭސް މިއަދު ފުރިހަމަ ކުރިއެވެ. 

ކުޅުދުއްފުށީ ޓީމުން ފުލް މެރަތަންގައި ދުވި 10 މެންބަރުންނާ، 10 ކިލޯމީޓަރު ކެޓަގަރީގައި ދުވި ތިން މީހުންނެވެ. ދެން ކުޅުދުއްފުށީ ޓީމާއެކު ދުވީ އައި ރަނަރސްގެ ކޯޗު ޝުޖާއެވެ. 

މީގެ ކުރިން ރާއްޖޭގެ އެއް ރަށަކަށް ނިސްބަތްވާ ގްރޫޕެއް މި ގޮތަށް ބައިނަލްއަގްވާމީ މެރަތަންއެއް ފުރިހަމަކޮށްފައެއް ނުވެއެވެ. އެހެންކަމުން ކުޅުދުއްފުށީ މި ޓީމު ވެގެންދާނީ ތާރީހީ ޓީމަކަށެވެ. 

މި އެންމެންވެސް އައީ މިދިޔަ އަހަރުގެ ޖުލައިން ފެށިގެން މި މެރަތަންއަށް ތައްޔާރުވަމުންނެވެ. މި ޓީމު ތައްޔާރުކޮށްދިނުމުގައި އެންމެ އިސް ދައުރެއް އަދާކުރި މީހަކީ، އައިރަނަރސްގެ ކޯޗު ޝުޖާއުއެވެ.

މި ޓީމު ލީޑުކުރީ ކުރިން ނިއުރޭޑިއަންޓް ސްޕޯޓްސް ކްލަބުގެ އޮފިޝަލެއްގެ ގޮތުގައި މަސައްކަތް ކުރި ހދ. ކުޅުދުއްފުށީ ޒުވާނެއް ކަމަށްވާ އަބްދުއްރަޝީދު ސައީދު- އަބްސީއެވެ. އަބްސީ މިއަދުވަނީ އޭނާގެ ހަޔާތުގެ ފުރަތަމަ މެރަތަން ފުރިހަމަކޮށްފައެވެ. އަބްސީ މިއަދުގެ ރޭސް ފުރިހަމަ ކުރީ ކޮންމެވެސް ވަރަކަށް އަނިޔާގައިވެސް ހުރެއެވެ. 

ފުލް މެރަތަން ފުރިހަމަ ކުރި ދުވުންތެރިންގެ ޓައިމިންގ

• އަބްދުއްރަޝީދު ސައީދު 5:20:25
• އަބްދުއްސަލާމް ގާސިމް 3:48:28
• މުހައްމަދު ޝިހާމް 4:46:23
• އަލީ އަހްމަދު 3:39:58
• މުހައްމަދު އަހްމަދު 4:46:20
• އުދައިޝާން އުދައިޝާން 3:15:19
• އަޝްރަފް މޫސާ 4:57:57
• ސޮލާޙް ހަސަން 5:18:38
• އަހްމަދު އަލީ 4:27:28
• އަހްމަދު ހާމީ 4:48:03

.