ގޯލްޑަންގެ ޗެމްޕިއަންކަން ތިން ފަހަރު ހޯދާފައިވާ ތިމަރަފުށިން ފުރަތަމަ މެޗުގައި ރޭ މޮޅުވީ ހިރިލަންދޫ އަތުންނެވެ. ހިރިލަންދޫ އަތުން ތިމަރަފުށި މޮޅުވީ ހަ ލަނޑު އެއް ލަނޑުގެ ބޮޑު ތަފާތަކުން ފަސޭހަކަމާއެކު އެވެ.
މި މެޗުގައި ތިމަރަފުށީގެ އިބްރާހިމް ހަމްދާން ތިން ގޯލު ޖަހާ ހެޓްރިކް ހެދި އެވެ. ދެން، ތިމަރަފުށިން ކާމިޔާބު ކުރި ލަނޑުތައް އެ ޓީމަށް ޖަހައިދިނީ ކެޕްޓަން އިބްރާހިމް ސިނާހް (ސިނާ), ހުސެއިން އަލީ (އަޗޭ) އަދި މުހައްމަދު ތޯހިރު އެވެ. މެޗުގައި ހިރިލަންދޫން ޖެހި ހަމައެކަނި ލަނޑު މެޗުގެ 10 ވަނަ މިނެޓުގައި އެ ޓީމަށް ޖަހާދިނީ އަހުމަދު މުފީދު އެވެ.
މުބާރާތުގެ އެންމެ ކާމިޔާބު ޓީމު ކަމަށްވާ ތިމަރަފުށިން މޮޅަކާއެކު މުބާރާތް ރޭ ފެށިއިރު، މުބާރާތް ހުޅުވަން ކުޅުނު ޗެރިޓީ މެޗުން ތިމަރަފުށިވަނީ ލ. ގަމު އަތުން ބަލިވެފައެވެ. ލ. ގަމަކީ އެންމެ ފަހުގެ ޗެމްޕިއަނުންނެވެ.
