މީގެކުރިން އެޑިއުކޭޝަން މިނިސްޓްރީގެ ސްޓޭޓް މިނިސްޓަރުކަން ވެސް ކުރައްވާފައިވާ އަހްމަދު ރިޔާޒު މިއަދު ފޭސްބުކްގައި ކުރެއްވި ޕޯސްޓެއްގައި ވަނީ 20 ވަނަ ރައްޔިތުންގެ މަޖިލިހުގެ ތިމަރަފުށި ދާއިރާއަށް އޭނާ ކުރިމަތި ލައްވާނެކަން އިއުލާނު ކުރައްވާފަ އެވެ.
އަހްމަދު ރިޔާޒު މިގޮތަށް ނިންމެވިއިރު މިހާރު ތިމަރަފުށީ ދާއިރާ ތަމްސީލު ކުރައްވާ އަބްދުﷲ ރިޔާޒު މަޖިލިހަށް ކުރިމަތިނުލާން ނިންމަވައިފައިވާ ކަމުގެ އަޑުތައް ވެސް ވަނީ ފެތުރިފަ އެވެ.
ސަރުކާރު ހިންގާ ކޯލިޝަންގައި ހިމެނޭ އެމްއެންޕީއަށް ނިސްބަތްވާ އަހްމަދު ރިޔާޒު މަޖިލިހަށް ކުރިމަތިލައްވަނީ ޕާޓީއެއްގެ ޓިކެޓުގައި ނުވަތަ އަމިއްލަ ގޮތުންކަމެއް އޭނާ ސާފުކޮށްދީފައެއް ނުވެއެވެ.
2022 ވަނަ އަހަރުގެ ތެރޭގައި އަހްމަދު ރިޔާޒު އޭރު ހުންނެވި އެޑިއުކޭޝަން މިނިސްޓްރީގެ ސްޓޭޓް މިނިސްޓަރުކަމުގެ މަގާމުން، ހަ މަސްދުވަހުގެ މުއްދަތަކަށް ސަސްޕެންޑް ކުރެއިފައިވެ އެވެ.
