މިއަދު ބާއްވަން މަސައްކަތް ކުރި އެފްއޭއެމްގެ އެކްސްޓްރާ އޯޑިނަރީ ކޮންގްރެސްގެ ކޯރަމް ހަމައެއް ނުވެއެވެ. ހެނދުނު ނުވައެއް ޖަހާއިރު ފަށަން އޮތް ކޮންގްރެސް ކޯރަމް ހަމަ ނުވެގެން މަޑުކޮށްގެން ތިބުމަށް ފަހު، 9:30 ވީއިރު ފެށީ ކޯރަމް ހަމަވޭތޯއެވެ. އޭރުވެސް ކޯރަމް ހަމަ ނުވުމުން، އިތުރު 15 މިނިޓް މަޑު ކުރުމަށް ފަހު ކޯރަމް ހަމަ ނުވެ ކޮމިޓީތައް ފާސްކުރީއެވެ.
ހަތަރު އަހަރުވަންދެން ނުހަދާހުރި ކޮމީޓީތައް ހެދުމަށް ބާއްވަން މަސައްކަތް ކުރި ކޮންގްރެސް އަށް ހާޒިރުވީ ނުވަ ކްލަބަކުންނެވެ. ކޮންގްރެސްގެ ކޯރަމްއަކީ 13 އެވެ. އެފްއޭއެމުން ބުނީ، ކޮންގްރެސްގެ ފުރަތަމަ ދަންފަޅީގެ ކޯރަމް ހަމަނުވުމުން، އަސާސީ ގަވާއިދުގެ ދަށުން ދެވަނަ ޖަލްސާއެއް 24 ގަޑިއިރުތެރޭގައި ބޭއްވޭނެ ކަމަށެވެ. އެ ޖަލްސާގައި ކޯރަމް ހަމަވުން ލާޒިމު ނޫން ކަމަށް އެފްއޭއެމުން ބުންޏެވެ.
އެފްއޭއެމްގެ އަސާސީ ގަވާއިދުގެ 24 ވަނަ މާއްދާގެ ދޭއްގައި، ކޮންގްރެސްގެ ކޯރަމް ހަމަނުވާނަމަ ހަމަ އެ އެޖްންޑާ އާ އެކު 24 ގަޑިއރު ތެރޭގައި ދެވަނަ ކޮންގްރެސްއެއް ބޭއްވޭނެ ކަމަށެވެ. ހަމަ އެ މާއްދާގެ ތިނެއްގައި ބުނެފައި ވަނީ، އެގްޒެކެޓިވް ކޮމިޓީ އިންތިހާބު ކުރުމަށާއި މެންބަރުން ވަކި ކުރުން އަދި އެފްއޭއެމް އުވާލުމުގެ މައްސަލަ ކޮންގްރެސްގެ އެޖެންޑާގައި ނުހިމެނޭނެ ނަމަ، ދެވަނަ ޖަލްސާއެއްގައި ކޯރަމް ކަނޑައެޅިފައި ނުވާ ކަމަށެވެ.
