މާލީ ވުޒާރާއިން އާއްމުކޮށްފައިވާ ތަފާސް ހިސާބުތައް ދައްކާގޮތުން މިއަހަރުގެ ފުރަތަމަ މަހު ޕީއެސްއައިޕީއަށް ހޭދަކޮށްފައިވަނީ 287.5 މިލިއަން ރުފިޔާއެވެ. މީ މިދިޔަ އަހަރުގެ މި މުއްދަތާއި އަޅާ ބަލާއިރު %83 ދަށްވުމެކެވެ. މިދިޔަ އަަހަރުގެ ފުރަތަމަ މަހު ޕީއެސްއައިޕީއަށް 1.7 ބިލިއަން ރުފިޔާ ހޭދަކޮށްފައިވެއެވެ.

މިއަހަރުގެ ފުރަތަމަ މަހު ޕީއެސްއައިޕީން އެންމެ ބޮޑު ހޭދައެއް ކޮށްފައިވަނީ ބިން ހިއްކުމަށެވެ. ބިން ހިއްކުމުގެ މަޝްރޫއުތަކަށް 82.4 މިލިއަން ރުފިޔާ ވަނީ ހޭދަކޮށްފައެވެ. ދެން އެންމެ ބޮޑު ހޭދައެއް ކޮށްފައިވަނީ ފެނާއި ނަރުދަމާގެ މަޝްރޫއުތަކަށެވެ. އެކަމަށް 44.7 މިލިއަން ރުފިޔާ ވަނީ ހޭދަކޮށްފައެވެ. 

ބްރިޖް މަޝްރޫއަށް 13.5 މިލިއަން އަދި ބަނދަރު ހެދުމުގެ މަޝްރޫއަށް 24.8 މިލިއަން ރުފިޔާ ވަނީ ޕީއެސްއައިޕީން ހޭދަކޮށްފައެވެ.