ދުއިސައްތަ އެކާވީސް އަކަމީޓރުގެ މަސްމާރުކޭޓު ހިންގަން ޝައުގުވެރިވާ ފަރާތްތަކުން އެކަމަށް އެދި ހުށަހެޅުމަށް އެޗްޑީސީން މިހާރު ވަނީ ހުޅުވާލާފަ އެވެ
އެޗްޑީސީން ބުނިގޮތުގައި މަސްމާރުކޭޓް ކުއްޔަށް ހިފުމަށް ޝައުގުވެރިވާ ފަރާތްތަކުން ހުށަހަޅާ ފޯމު ބަލައިގަތުން އޮންނާނީ އަންނަ މަހުގެ ތިން ވަނަ ދުވަހުގެ ހެނދުނު 9:30 ފެށިގެން މެންދުރު 11:00 އާ ހަމައަށް އެޗްޑީސީގެ އެގްޒިބިޝަން ސެންޓަރުގަ އެވެ. ގުރުއަތު ނެގުން އޮންނާނީ ވެސް އެގްޒިބިޝަން ސެންޓަރުގައި މެންދުރު 11:30 އި ކަމަށް އެޗްޑީސީން ބުނެ އެވެ.
ފޯމު ހުށައަޅާ ފަރާތުގައި ހުންނަން ޖެހޭ ޝަރުތުތަކަކީ ރާއްޖޭގައި ރަޖިސްޓްރީކޮށްފައިވާ 100 އިންސައްތަ ދިވެހި ވިޔަފާރިއެއް ކަމުގައިވުމާއެކު އެޗް.ޑީ.ސީ އަށް އެއްވެސް ފައިސާއެއް ދައްކަންޖެހި އެ ފައިސާ ނުދައްކަވާ ފަރާތެއްކަމުގައި ނުވުން ހިމެނެ އެވެ.
އެޗްޑީސީން ބުނިގޮތުގައި މަސްމާރުކޭޓު ކުއްޔަށް ދޫކުރުމަށް ހަމަޖެހިފާ ވަނީ 1 އަހަރުގެ މުއްދަތަކަށް މަހަކު -/6000 ދިވެހި ރުފިޔާއަށެވެ.
