އިއްޔެ އެ އެވޯޑު ތައާރަފްކުރި ބާ ކައުންސިލްގެ އާންމު އަހަރީ ޖަލްސާގައި އެ ކައުންސިލުން ވަނީ، ވިޝާމަކީ ގާނޫނީ ދާއިރާ އާ އަލަށް ގުޅޭ ފަރާތްތަކުގެ ކުރި އެރުމަށާއި އެ މީހުން ތަމްރީނުކުރުމަށް ގާތުން މަސައްކަތް ކުރެއްވި ބޭފުޅެއް ކަމުގައި ފާހަގަކުރައްވާފަ އެވެ.
ބާ ކައުންސިލުން ނިންމާފައިވަނީ ޒުވާން ވަކީލުންނަށް ހާއްސަކޮށްގެން "އިސްމާއީލް ވިޝާމް އަޕް-އެންޑް-ކަމިން ލޯޔާ" ގެ ނަމުގައި އެވޯޑެއް ދިނުމަށެވެ.
ބާ ކައުންސިލްގެ ރައީސް ކަމަށް 2022 ވަނަ އަހަރުގެ ޖޫން މަހު އައްޔަން ކުރެވުނު ވިޝާމް ކުއްލި ގޮތަކަށް އަވާހަރަވީ މިދިޔަ މަހުގެ 31 ވަނަ ދުވަހު އެވެ.
ގާނޫނީ ދާއިރާގެ އިތުރުން ވިޝާމް ވަނީ ކުޅިވަރުގެ ދާއިރާގައި ވެސް އެކި ގޮތްގޮތުން ހަރަކާތްތެރިވެފަ އެވެ. އެގޮތުން އެ ބޭފުޅާ ވަނީ ދިވެހި ފުޓުބޯޅައިގެ ރަސްގެފާނު، ނިއު ރޭޑިއަންޓްގެ މެނޭޖަރުކަން ވެސް ކުރައްވާފަ އެވެ.
