ރާއްޖޭގެ އުތުރަށް ކުރައްވަމުން ގެންދަވާ ދަތުރުފުޅުގައި ކުޅުދުއްފުށީ ރައްޔިތުންނާއި ވާހަކަދައްކަވަމުން ރައީސް މުއިއްޒު ވިދާޅުވީ ޓްއަރިޒަމް މާކެޓިން ޕްލޭންގައި އެންމެ އިސްކަން ދެނީ ބޮޑު ތިލަދުންމައްޗަށްކަމަށެވެ. އެގޮތުން އެ ސަރަހައްދަށް އިތުރު ރިސޯތްތައް ގެންނަން އިންވެސްޓަރުން ގެނައުމަށް މިހާރު ކުރަމުން އަންނަ މަސައްކަތަކީ އިގްތިސާދު ވަރަގަދަކޮށް އިގްތިސާދުގައި ބުންވަރު ޖެއްސުންކަމަށެވެ.
ރައީސް ވިދާޅުވީ ތިލަދުންމައްޗަށް އެމަނިކުފާނު ވައުދުވި ގޮތަށް ކޭލަކުނަށް އީކޯ ޓްއަރިޒަމް ގެނައުމުގެ މަޝްރޫއުއަށްވެސް މިހާރު ގިނަ މަސައްކަތްތަކެއް ކުރަމުން އަންނަކަމަށެވެ.
ރައީސް ވިދާޅުވީ ރާއްޖެ ތަރައްޤީކުރުމަށް ތައްޔާރުކުރަމުންދާ 20 އަހަރުގެ މާސްޓަރ ޕްލޭންގައި އުތުރު ތަރައްޤީ ޒޯން މައި ހަބަކީ ކުޅުދުށްފުށި ސިޓީކަމަށެވެ، އެހެންކަމުން ކުޅުދުއްފުށީގެ ތަރައްޤީއަށް ވަރަށް އިސްކަން ދޭނެކަމަށް ރައީސް ވިދާޅުވިއެވެ. އެ މަސައްކަތުގެ ދަށުން އެންމެ އިސްކަން ދެއްވާ އެއްކަމަކީ ގެދޮރުވެރިކަންކަން ރައީސް ފާހަގަކުރެއްވިއެވެ.
ރައީސް ވިދާޅުވީ އެ ޕްލޭނާއި އެކު ކުޅުދުއްފުށިގެ ހުރިހާ މަގެއް ޒަމާނީ ފެންވަރަށް ހަދާ ކުޅުދުއްފުށީގެ ޕޯޓްގެ ކެޕޭސިޓިވެސް އިތުރުކުރާނެކަމަށެވެ.
