އެމްޑީޕީގެ އެޑްވައިޒަރުގެ މަގާމު ގައި ވެސް ހުންނެވި ސޯލިހް މިހެން ވިދާޅުވީ ނޫނު އަތޮޅަށް ކުރައްވާ ދަތުރުފުޅު ގައި ޕާޓީ މެންބަރުންނާ ބައްދަލު ކުރައްވާ ވާހަކަ ދައްކަވަމުންނެވެ.
އެމްޑީޕީގައި ކުރީން ހުންނެވި މެންބަރަކާއި އެ ޕާޓީއަށް ނިސްބަތްވި 12 މެންބަރަކު ހިމެނޭހެން ޖުމްލަ 13 މެންބަރަކު ވަނީ ކޮންގްރެސްއާ ގުޅިފައެވެ.
ސޯލިހް ވިދާޅުވީ ރައީސް މުއިއްޒު ގެންދަވަނީ ދައުލަތުގެ އެއްބާރު ކަމަށްވާ ރައްޔިތުންގެ މަޖިލީހުގެ ބާރު ކަނޑުވާލަމުންނެވެ.
އޭގެ އިތުރުން އެމަނިކުފާނު ވިދާޅުވީ ރައްޔިތުންގެ މަޖިލީހުން ފާސް ކުރާ ގާނޫނުތައް ތަސްދީގުނުކޮށް ރައީސް ޑރ. މުހައްމަދު މުއިއްޒު މަޖިލީހަށް ގޮންޖައްސަވަމުން ގެންދަވާ ކަމަށެވެ. ނަމަވެސް އެމްޑީޕީގެ މެޖޯރިޓީ މަޖިލީހުގައި އޮތުމުން އެކަމުން މި ވަގުތު ސަލާމަތްވަމުންދާ ކަމަށް ސޯލިހު ވިދާޅުވި އެވެ.
ރައީސް ސޯލިހް މި ތުހުމަތު ކުރެއްވިއިރު ވެރިކަމުގައި ހުންނަވާ މަޖިލީހުގެ ބައެެއް މެންބަރުން އެމްޑީޕީއަަށް ވެސް ގެންދެވި އެވެ.
ރަށްރަށަށް ކުރައްވާ ޒިޔާރަތްތަކުގައި ފެންނަނީ ރިޔާސީ އިންތިހާބުގައި ނިންމުނު ނިންމުމާ ގުޅިގެން ރައްޔިތުން މާޔޫސްވެފައިތިބި ތަން ކަމަށާއި ރައްޔިތުން ތިބީ ގޮތް ހުސްވެފައި ކަމަށް ސޯލިހު ވިދާޅުވި އެވެ.
މަސައްކަތްތެރިން ވެސް ތިބީ ސަރުކާރު ހަމަ މަގަށް އެޅުވުމަށް އެމްޑީޕީއާ އެކު ކަމަށް ކުރީގެ ރައީސް ވިދާޅުވި އެވެ.
