ރައީސް ޑރ.މުހައްމަދު މުއިއްޒު އަތޮޅުތަކަށް ކުރައްވާ ދަތުރާއި ދިމާކޮށް ބައެއް ކައުންސިލްތަކުން ވަނީ ބަޔާން ނެރެފައެވެ. އަދި ބައެއް ކައުންސިލްތަކުން ވަނީ ރައީސް ބޭއްވި ބައްދަލުވުންތަކުގައި ބައިވެރިވާންެވެސް ދެކޮޅު ހަދާފައެވެ. މިކަމާއި ގުޅިގެން އެލްޖީއެޭއިން ވަނީ އެ ކައުންސިލްތަކަށް އިންޒާރުދީ ދީ ސިޓީ ފޮނުވާފައެވެ.
މިކަމާއި ގުޅިގެން ރައީސް މުއިއްޒު ވަނީ އެލްޖީއޭއިން ކައުންސިލްތަކަށް ފިޔަވަޅު އަޅަން ތާއީދު ނުކުރާކަމަށް ވިދާޅުވެފަ އެވެ.
ރައީސްގެ މިވާހަކަތަކަށް ރައްދުދެއްވާ މަޖިލީހުގެ ލާމަރުކަޒީ ކޮމެޓީގެ މުގައްރިރު އަލީ ނިޔާޒް ވިދާޅުވީ އެލްޖީއޭއިން ކައުންސިލްތަކަށް ފޮނުވި ސިޓީ ޑްރާފްޓްކުރީ ދަންވަރު ރައީސް އޮފީހުގައިކަމަށް ބުނާ މައުލޫމާތު ލިބިފައިވާކަމަށެވެ.
ރަސްމީ ދަތުރެއްގައި ނ. ކެނދިކުޅުދޫއަށް ވަޑައިގެން ރައީސް ޑރ. މުހައްމަދު މުއިއްޒު ކެމްޕެއިން ކުރެއްވި ކަމަށާއި އެކަން ކުށްވެރި ކުރާ ކަމަށް ބުނެ އެ ރަށު ކައުންސިލުން ނެރުނު ބަޔާން ބާތިލު ކުރަން އެލްޖީއޭއިން ވަނީ އަންގާފަ އެވެ.
އެހެންނަމަވެސް ދ. މީދޫގައި ރޭ ވާހަކަދައްކަމުން ރައީސް މުއިއްޒު ވިދާޅުވީ ކައުންސިލްތަކަށް ފިޔަވަޅު އަޅައި، ހުރަސްތައް ކުރިމަތިކޮށް ދަތިކުރުމަކީ އެމަނިކުފާނުގެ ސިޔާސަތެއް ނޫން ކަމަށެވެ.
